Оттон сэттис сиэссийэ 2024 сыл балаҕан ыйын 3 күнүттэн ахсынньы 29 күнүгэр диэри салҕаныаҕа. Бастакы икки нэдиэлэҕэ дьокутааттар эрэгийиэннэригэр быыбардааччылары кытта үлэлиэхтэрэ, пленарнай мунньахтар балаҕан ыйын 16 күнүттэн саҕаланыахтара.
Госдуума Бэрэссэдээтэлэ Вячеслав Володин бэлиэтээбитинэн, пленарнай мунньах иннинэ Арассыыйа Бэрэсидьиэнэ Владимир Путины кытта кэпсэтии буолбутугар, судаарыстыба баһылыга дьокутааттарга дойду туһугар үлэлэрин уонна улахан суолталаах быһаарыылары ылыммыттарын иһин дириҥ махталын биллэрбитин эттэ.
«Судаарыстыбаннай Дуума аныгы Арассыыйа устуоруйатыгар маҥнайгытын Бырабыыталыстыбаны сүүмэрдээтэ. Ол курдук Бырабыыталыстыба Бэрэссэдээтэлэ, кини солбуйааччылара уонна федеральнай миниистирдэр бигэргэммиттэрэ. Дьокутааттар быыбардааччылар кинилэргэ сүктэрбит саҥа боломуочуйаларын олоххо киллэрдилэр. Онон билигин Госдуума ылынар быһаарыылара көдьүүстээх буолууларыгар уонна биһиги дойдубут, кыраасданнарын интэриэстэрин көмүскүүргэ Бырабыыталыстыбаны кытта тэҥ эппиэтинэһи сүгэр», -диэн Вячеслав Володин тыл этиитигэр санатта.
Хаартыскалар Госдуума саайтыттан ылылыннылар
-
0
-
0
-
0
-
0
-
0
-
0
