Ыйаах чэрчитинэн Муора кэллиэгийэтин Балаһыанньата уонна састааба бигэргэннэ, ол курдук чилиэнин ахсаана 52 киһи. Кэллиэгийэни РФ Бэрэсидиьэнин көмөлөһөөччүтэ, Байыаннай-Муора Флотун стратегическай сайдыытын Сэбиэтин салайааччыта Николай Патрушев баһылыаҕа. Саҥа кэллиэгийэ тэриллиитинэн, бу иннинэ РФ Куттала суох буолуу Сэбиэтин Аартыкаҕа РФ национальнай интэриэстэрин хааччыйар боппуруостарга Биэдэмистибэлэр икки ардыларынааҕы хамыыһыйа тохтотулунна. Кэллиэгийэ иһинэн Байыаннай-Муора Флотун стратегическай сайдыытын, Аартыкаҕа РФ национальнай интэриэстэрин көмүскээһин уонна РФ муоратааҕы дьайыытын хааччыйыы, сайыннарыы боппуруостарынан үс сэбиэт тэрилиннэ.
Муора кэллиэгийэтин биир сүрүн соругунан Хотугу муора суолун сайыннарыы буолуоҕа. Ол курдук, бу суолу РФ национальнай тырааныспар коммуникациятын быһыытынан сайыннарыы уонна дойдубут Аан дойдутааҕы акыйаан сүрүн суолларыгар тахсыытын хааччыйыы соруга турар.
Санатан бэлиэтээтэххэ, билигин Уһук Хоту уонна киниэхэ тэҥнэниллибит сирдэр социальнай-экэнэмиичэскэй сайдыыларыгар Хотугу муора суола стратегическай суолталанан турар. Онон саҥа кэллиэгийэ РФ национальнай муора бэлиитикэтин ордук көдьүүстээхтик ыытарыгар эрэнэллэр.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
