МОСКУБА, сэтинньи 10 күнэ. /ТАСС/. Иран биллиилээх политолога, куттала суох буолуу боппуруостарыгар исписэлиис Рухолла Модабер саҥа бэрэсидьиэнинэн Дональд Трамп талыллыыта, АХШ уонна Арассыыйа икки ардыларыгар сыһыаннар бэрээдэктэниитигэр тириэрдиэн сөп диэн сабаҕалыыр. Ол туһунан кини ТАСС кэрэспэдьиэнин кытта кэпсэтэригэр бэлиэтээтэ. Ону кытта Арассыыйа уонна Иран сыһыаннара кэҥээн иһэрэ эмиэ туспа суолталаныаҕа. Олор сабыдыалларынан, Тегеран уонна Вашингтон икки ардыларыгар утары турсуу сымныан сөп.
Политолог Дональд Трамп кыайыыта Америка мусульманнарын күүстээх өйөбүллэрин кытта ситимниир. Мусульманнар үксүлэрэ АХШ бэрэсэдьиэнэ Джо Байден Израиль Газа секторыгар уонна Ливаҥҥа норуоту сэймэктээһинин өйүүрүн утараллар.
Хаартыска Александр Щербак түһэриитэ, ТАСС
-
0
-
0
-
0
-
0
-
0
-
0
