Бастакытынан, Судаарыстыбаннай Дуума Уһук Илини уонна Аартыканы сайыннарар сис кэмитиэтин төгүрүк остуолугар Уһук Илин федеральнай уокурукка агропромышленнай ситим сайдыытын быраап өттүнэн хааччыйар миэрэлэрин дьүүллэстилэр. Тэрээһини РФ Судаарыстыбаннай Мунньаҕын дьокутаата, Уһук Илини уонна Аартыканы сайыннарар сис кэмитиэт бэрэссэдээтэлэ Николай Харитонов ыытта.
Иккиһинэн, Ил Түмэн наукаҕа уонна үөрэххэ сис кэмитиэтэ урбааҥҥа уонна туризмҥа сис кэмитиэтин кытта кыттыгас тэрийбит «Саха Өрөспүүбүлүкэтигэр аныгы оҕо туризмын, сынньалаҥын уонна доруобуйатын чэбдигирдиини сайыннарыы» диэн төгүрүк остуолга кыттыбыта. Үсүһүнэн, өрөспүүбүлүкэ урбаанньыттарын пуорумун чэрчитинэн «Уһук хоту урбааҥҥа үлэлииргэ нолуогу хомуйуу, урбааны үлэлэтэргэ сөптөөх усулуобуйа учуота» диэн төгүрүк остуол ыытыллыбыта.
Ону таһынан, Москуба куоракка ааспыт күһүн буолбут «Көмүс күһүн-2024» 26-ыс Арассыыйатааҕы агропромышленнай быыстапка үлэтигэр уонна дьыалабыай бырагырааматыгар кыттан кэлбитэ.
Хаартыска: Ньургуйаана Заморщикова тус архыыбыттан.
-
0
-
0
-
0
-
0
-
0
-
0