Маны таһынан, сылга араас көрдөһүүлээх 500 тахса сурук киирэр, кинилэргэ барыларыгар хоруйдууллар. Биллэн турар, дьон кыһалҕата биирдэ быһаарыллан хаалбат, кыах баарынан, төһө үп көстөрүнэн барыларыгар болҕомто уурарга кыһаллаллар. Нэһилиэнньэ суол оҥоһуутун, оптуобус сырыыта табыгастаах буоларын, хомунаалынай хаһаайыстыба ситимин саҥардыыны туруорсар.
Набережнай уокуруктан Ил Түмэн дьокутааттара Дьокуускай куорат Дууматын дьокутааттарын кытта Губинскай уокурук бэтэрээннэрин сүбэтэ мустарыгар табыгастаах миэстэ көрүөхтээхтэр, кинилэр көрдөһүүлэринэн 14 №-дээх оптуобус сырыыта уларыйда о.д.а. боппуруостар быһаарылыннылар. Дьокуускай куорат баһылыга Евгений Григорьев өйөбүлүнэн Мэдиссиинэ киинин, 15 №-дээх оскуола таһыгар сылаас тохтобул тутуллар буолла. Педүнүстүккэ, кэккэ уһуйааннарга федеральнай бырагыраама чэрчитинэн хапытаалынай өрөмүөн ыытылларыгар сыал-сорук туруорулунна.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
