Көдьүүстээх үлэлээх баһылыгы быһаарар экспердэр болҕомтолорун, чуолаан, Айсен Николаев Арктика эҥэр түөлбэни 2035 сылга диэри сайыннарыы туһунан Ыйааҕар уурдулар. Ырытааччылар бу Стратегия ымпыктаан-чымпыктаан, бары эйгэни хабан, сиһилии үөрэтиллэн оҥоһуллубутун биһирээтилэр. “Докумуон кумааҕыттан дьыалаҕа киирдэҕинэ, аны аҕыйах сылынын хотугу сиргэ бырамыысыланнас тигинии сайдыаҕа, ону тэҥэ олохтоохторго үлэ миэстэтэ тахсыаҕа, дьон олоҕун уйгута тупсуоҕа”, -- дииллэр.
Кэтээн көрөөччүлэр Айсен Николаев федеральнай үптэн 264 мөлүйүөн солкуобайы дьиэ-уот тутуутугар, итиэннэ Халыма өрүс төрдүгэр «Медвежьи острова» заповеднигы тэрийиигэ анаан туруулаһан ылбытын хайгыыллар.
РФ Бырабыыталыстыбатын Бэрэссэдээтэлэ Михаил Мишустинныын көрсүһүүгэ Айсен Николаев дириҥ суолталаах боппуруостары көтөхпүтэ. Ол курдук, кини Арассыыйаҕа көтөр уонна устар ааллары оҥорууга чэпчэтиилээх лизинг судаарыстыбаннай бырагырааманан көрүллүүтүн туһунан этиитин Мишустин өйөөбүтэ.
“Айсен Николаев федеральнай таһымҥа кимиэллээхтик туруорсар, норуотун туһугар туохтан да чаҕыйбакка туруулаһар. Холобура, РФ Тырааныспарга министиэристибэтин аһаҕастык кириитикэлээбитэ, “Аэрофлот” базатыгар Уһук Илиҥҥи биир сомоҕо авиаальянсы тэрийээри гыммыттарыгар”, -- диэн рейтинг түмүгүн таһаарааччылар бэлиэтииллэр.
-
0
-
0
-
0
-
0
-
0
-
0
