Кини федеральнай сокуон биир таһымнаах олохтоох салайыныыга туһаайыллан оҥоһуллубутун бэлиэтээтэ. Онон боломуочуйалары улуус уонна тыа сирин нэһилиэктэрин икки ардыгар үллэрии туһунан онно суруллубутах. Онон икки таһымнаах олохтоох салайыныы хааллаҕына, боломуочуйалары үллэрэр үлэ ыытыллыаҕа.
Олохтоох салайыныыга өрөспүүбүлүкэтээҕи сокуон барылын оҥорорго боломуочуйалары үллэрии боппуруоһун дьүүллэһиэхтэрэ. Атын эрэгийиэннэри ылан көрдөххө, Татарстаан баһылыга Рустам Минниханов биир таһымнаах олохтоох салайыныыны өйүүрүн биллэрбитэ. Кини аан дойдуга икки таһымнаах былаас ханна даҕаны суоҕун, биир таһымнаах эрэ баарын туһунан эппитэ.
Алексей Ильич Татарстааҥҥа бара сылдьан көрбүтэ өрөспүүбүлүкэҕэ 48 оройуоннаахтар, кинилэр куорат уонна тыа сирин бэрэстэбиитэллээх уорганын дьокутааттарын эрэ талаллар, баһылыктары талбаттар. Оройуон баһылыгын дьокутааттар бэйэлэрин истэриттэн талаллар эбит. Ол эрэн кинилэр биир таһымнаах олохтоох салайыныы былаас ситимин алдьатарын кэлин өйдөөбүттэр.
Саха Сиригэр муниципальнай тэриллии дуоһунастаах дьонун таларга мунньахха тус-туһунан санаа этилиннэ. Ил Түмэн дьокутааттара улуустарга сылдьан баһылыктары, олохтоох дьокутааттары, тэрилтэ салайааччыларын кытта көрүстэхтэринэ, дьон эмиэ араас санааны этэр.
Онтон биирин сурукка тистэххэ, баһылыктары быыбардааһын биир өттүнэн, сороҕор идэлэрин дэгиттэр баһылаабыт, сатабыллаах салайааччылар былааска тахсалларын мэһэйдиир курдук эбит.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
