Санатан эттэххэ, ааспыт нэдиэлэҕэ Крым уонна Татарстаан Судаарыстыбаннай Сүбэлэрин дэлэгээссийэлэрэ Ил Түмэн салалтатын, сис кэмитиэттэр бэрэссэдээтэллэрин кытта көрүстүлэр.
Крым өрөспүүбүлүкэтин кытта 2024 с. бииргэ үлэлэһэр туһунан сөбүлэһии түһэрсиллибитэ. Судаарыстыбаннай Дуума ыччат бэлиитикэтин кэмитиэтэ бу саас Дьокуускайга кэлэ сырыттаҕына Саха Өрөспүүбүлүкэтэ, Крым уонна Донецкай норуодунай өрөспүүбүлүкэлэр көҕүлээһиннэринэн Аҕа дойдуга бэриниилээх буолууну көҕүлүүр федеральнай сокуон кэнсиэпсийэтин киллэрбиттэрин дьүүллэспиттэрэ.
Алексей Еремеев ыалдьыттарга Ил Түмэн өрөспүүбүлүкэ сокуонун бэлэмнииргэ РФ Юстицияҕа министиэристибэтин Саха Сиринээҕи управлениетын, СӨ Борокуратууратын кытта ыкса үлэлэһэрин сырдатта. Сокуон барыла түөрт быраап эспэртиисэтин ааһар, үп-харчы боппуруоһугар сыһыаннааҕы СӨ Бырабыыталыстыбата көрөр-истэр, ону таһынан быраап управлениета, СӨ Борокуратуурата, РФ Юстицияҕа министиэристибэтин Саха Сиринээҕи салаата тургутан көрөр. Өскөтүн ити түөрт тэрилтэ сокуон барыла сөп түбэһэрин туһунан түмүк оҥордоҕуна, докумуон сис кэмитиэттэргэ тиийэр, онтон сокуон барылын пленарнай мунньахха көрөллөр.
Маны таһынан, өрөспүүбүлүкэ парламена СӨ Ис дьыалаҕа министиэристибэтин кытта күүһүн холбоон үлэлиир, чуолаан, элбэх кыбартыыралаах дьиэлэргэ ыйыллыбыт бириэмэҕэ чуумпуну тутуһарга, итирдэр утах атыытын хааччахтыырга, административнай бэрээдэги кэһиини көрөргө.
«Ити курдук күүспүтүн түмэн, сүбэбитин холбоон үлэлээтэхпитинэ, судаарыстыбаннай былаас уонна бэрээдэги көрөр, надзорнай уорганнар үлэлэрэ үтүө түмүктэниэ. Судаарыстыба бигэ туруктаах буолара итинтэн быһаччы тутулуктаах. Былаас уорганнара дойду Бэрэсидьиэнэ Владимир Путин нэһилиэнньэ олоҕун уйгутун тупсарарга туруорбут соругун ситиһэргэ, национальнай бырайыактары олоххо киллэрэргэ биир тиһилигинэн үлэлииллэр. Саха Сирин парламена эмиэ ити хайысханы тутуһар», — диэтэ Алексей Ильич.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
