«Маннык көрсүһүүлэргэ сылдьан федеральнай кииҥҥэ сокуону ылыныыга биһиги араас боппуруоска биир көрүүлээх буолабыт. Биһиги кыттыгас көҕүлээһиннэрбит федеральнай сокуоннарга киирэн тураллар. Бу хайысханан үлэ салҕанар, норуоттар доҕордоһуулара күүһүрэр. Дэлэгээссийэ быһыытынан Үрүҥ Тунах ыһыахха кэллибит, оттон аҕыйах хонуктааҕыта Дьокуускайга Сабантуй ыытыллыбыта, онно Татарстаан баһылыга Рустам Минниханов кыттыбыта», — диэтэ Альберт Галимзянович.
Кини өрөспүүбүлүкэлэр икки ардыларыгар култуура, бырамыысыланнас, экэниэмикэ салаатыгар уопут атастаһан, бииргэ үлэлэстэххэ инникигэ сайдыы барарын туһунан эттэ. Төһө даҕаны киин, соҕуруу уонна хоту эрэгийиэннэр тус-туһунан олохтоох-дьаһахтаах буолбуттарын иһин, бары биир Арассыыйа иһигэр олорон, дойдуну күүһүрдэргэ уопсай сыаллаах-соруктаах үлэлиибит.
Сахабыт Сирин сокуону таһаарар уоргана «Уһук Илин уонна Забайкалье» парламеннарын түмсүүтүн чэрчитинэн дойду 11 субъегын кытта бииргэ үлэлэһэр. Ону таһынан, парламент атын эрэгийиэннэри кытта сөбүлэһии түһэрсэн, Санкт-Петербург куорат, Донецкай норуодунай өрөспүүбүлүкэ, Крым, Татарстаан уонна Башкортостан сокуону таһарар уорганнарын бэрэстэбиитэллэрин кытта федеральнай сокуон барылыгар бэйэлэрин көҕүлээһиннэрин киллэрэллэр, доҕордуу сыһыаны тутуһаллар.
Татарстааны кытта Саха Сирэ төрөөбүт ийэ тылбытын, төрүт култуурабытын харыстыырга биир көрүүлээхтэр. Оттон олохтоох салайыныы кинилэргэ биһиэниттэн чыҥха атын. Алексей Еремеев Татарстааҥҥа тиийэ сылдьан кинилэр тыа сирин нэһилиэктэрин дьокутааттарын талалларын, быыбар саамай намыһах эрэ таһымҥа ыытылларын бэлиэтии көрбүт. Биһиги курдук улуустар, куорат баһылыгын талбаттар эбит.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
