«Крым уонна Саха Сирин өрөспүүбүлүкэлэрэ икки баай устуоруйалаах, ураты суоллаах-иистээх, күүстээх санаалаах дьонноох-сэргэлээх уонна кэскиллээх эрэгийиэннэр. Төһө даҕаны айылҕабыт, култуурабыт тус-туһунан буолбутун иһин, биир сыалы-соругу ситиһэргэ үлэлиибит: дьон олороругар сөптөөх уонна табыгастаах усулуобуйаны тэрийии, өбүгэлэрбит үтүө үгэстэрин үйэтитэн, кэнэҕэс көлүөнэҕэ тиэрдии.
2014 с. Крым тумул арыыта Арассыыйаҕа төннөн киириэҕиттэн ыла дойдубут сокуонугар сөп түбэһэр быраап саҥа ситимэ тэрилиннэ, саҥа суол-иис, дьиэ-уот тутулунна, аэропорт саҥардылынна. Билигин Крымтан чугас төһө даҕаны Анал байыаннай дьайыы буола турарын иһин Кыайыы син биир биһиэнэ буолуоҕа!”, — диэн бигэтик эттэ.
Кини Арассыыйа биир саамай ыраах уонна улахан эрэгийиэнигэр, Саха Сиригэр, ирбэт тоҥ үрдүгэр тутуллубут куоракка аан бастаан кэлбитин, өссө уһук хоту Аартыка хонноҕор сылдьыан баҕарарын биллэрдэ. Андрей Владимирович ыалдьытымсах Крымҥа икки муора Хара уонна Азовскай, хайа, истиэп барыта баарын этэн туран, сынньана кэлэргэ ыҥырда.
Крым өрөспүүбүлүкэтин Судаарыстыбаннай сүбэтин куруорка уонна туризмҥа кэмитиэтин бэрэссэдээтэлэ Роман Тихончук Роспотребнадзор кэтээн көрүүтүнэн Хара муораҕа саахал кэнниттэн мазут суоҕун, Крымҥа уу ырааһын, онон куттаммакка сайын сөтүөлүү, сынньана кэлиэххэ сөбүн туһунан иһитиннэрдэ.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
