Джо Байден 21 штатка бастаан иһэр: Невада Мэҥҥа, Вермоҥҥа, Нью Гэмпширга, Массачусетска, Род Айлендаҕа, Коннектикутка, Делаварга, Нью Джерсига, Нью-Йорка, Мэрилендаҕа, Вирджинияҕа, Иллинойска, Нью Мексикоҕа, Аризонаҕа, Колорадаҕа, Вашингтоҥҥа, Калифорнияҕа, Орегоҥҥа, Гавайига уонна Колумбияҕа.
Дональд Трамп 29 штатка инники күөҥҥэ сылдьар: Айоваҕа, Аляскяҕа, Висконсиҥҥа, Хотугу Каролинаҕа, Соҕуруу Каролинаҕа, Джорджияҕа, Флоридаҕа, Пенсильванияҕа, Техасска, Огайоҕа, Мичигаҥҥа, Индианаҕа, Арҕааҥҥы Виргинияҕа, Кентуккига, Теннессига, Алабамаҕа, Миссиссипига, Луизианаҕа, Арканзаска, Миссурига, Оклахомаҕа, Канзасска, Небраскаҕа, Вайомиҥҥа, Ютаҕа, Монтанаҕа, Соҕуруу Дакотаҕа, Хотугу Дакотаҕа уонна Айдахоҕа.
Үгүс штатка куолас 60 % номнуо ааҕылынна. Невадаҕа куолаһы ааҕыы 49 % уонна Аляскаҕа 23 % тиийдэ.
Өскөтүн куоластааһыны ааҕыы түмүгэр, балаһыанньа улаханнык уларыйбатаҕына, Дональд Трамп быыбарга кыайар чинчилээх. Кини 38 быыбардааччы куолаһынан Техасска, 6 куолаһынан Невадаҕа, 3 куолаһынан Аляскаҕа, 16 куолаһынан Джорджияҕа, 20 куолаһынан Пенсильванияҕа, 16 куолаһынан Мичигаҥҥа, 10 куолаһынан Висконсиҥҥа, 15 куолаһынан Хотугу Каролинаҕа кыайан иһэр.
Барыллаан ааҕыынан Байден билиҥҥитэ Аризонаҕа эрэ инники күөҥҥэ сылдьар. Манна кини 11 куоластаах. Ол гынан баран, куолаһы ааҕыы өссө да түмүктэнэ илик.
Билигин Джо Байден Аризоҥҥа ситиһиитин кэннэ, Висконсиҥҥа, Мичигаҥҥа уонна Пенсильванияҕа бастыаҕым диэн эрэллээҕин биллэрдэ.
Сибилигин Дональд Трамп Twitter-га: “Кыайыыбытын уораары гыналлар. Ол эрэн, биһиги ону көҥүллүөхпүт суоҕа”, – диэн суруйда.
Быыбар түмүктэнэ да илигинэ, Конгресска номнуо уопсай хартыына омооно тахсан эрэр. Ол курдук, “республиканецтар” баһыйар ахсааны ыллылар. Оттон Сенакка баартыйар тэбис тэҥҥэ иһэллэр.
Билиҥҥитэ Үрүҥ Дьиэ таһыгар бырачыас аахсыйата буола турар.
-
0
-
0
-
0
-
0
-
0
-
0
