Мэдиссиинэ мааскалардаах баһыылканы Александр Николаевич Соҕуруу Кэриэйэ Кёнсанбук-до провинциятын Парламенын бэрэссэдээтэлэ Чан Гён Сиктэн, итиэннэ уопсастыбаннай деятель Но Тэ Чольтан тутта.
Саха Өрөспүүбүлүкэтин уонна Кёнсанбук-до провинциятын Парламеннарын ситимнэрэ былырыын бэс ыйыгар олохтоммута -- бииргэ үлэлэһии туһунан Меморандумҥа илии баттаныаҕыттан.
Алтынньыга Александр Жирков салайыытынан Ил Түмэн делегацията Кёнсанбук-до провинциятыгар бара сылдьыбыта. Сибээс олохтообуттара төһө да аҕыйах кэм аастар, Парламеннар икки ардыларыгар доҕордуу уонна эрэллээх сыһыан үөскээбитэ үөрдэр.
Кэриэйдэр ыыппыт бастакы көмөлөрүн муус устарга доруобуйа харыстабылын тэрилтэлэринэн түҥэппиттэрэ, сороҕун «Антирак: поддержка выживших» уопсастыбаннай хамсааһыҥҥа биэрбиттэрэ. Бу да баһыылканы, Александр Жирков этэринэн, тустаах тэрилтэлэргэ тиксэриэхтэрэ.
С. Васильев.
-
0
-
0
-
0
-
0
-
0
-
0
