Ол курдук, 2023 сылга национальнай бырайыактарынан 74 млдр. солк. үп тардыллан, дьон-сэргэ олоҕун тупсарыыга кыах биэрдэ диэн, испикээр Ил Түмэн дьокутаттара эрэгийиэн быпабыыталыстыбатын үлэтин үрдүктүк сыаналаабыттарын бэлиэтээтэ. Саха Сирин судаарыстыбаннай иэһэ өрөспүүбүлүкэ эриэ-дэхситик сайдарыгар сөптөөх таһымыгар сылдьар диэн санатта.
«Саха Сирин бырабыыталыстыбатын үлэтигэр биир бэлиэ көрүҥүнэн сир баайын туһанааччылары кытта бииргэ үлэлээһин буолар. Кэлиҥҥи кэмҥэ сир баайын туһанааччылартан үгүстэрэ социальнай-экэнэмиичэскэй сайдыы туһунан сөбүлэһиини түһэрсэр буоллулар. Ол чэрчитинэн кинилэр социальнай эбийиэктэри, суолу тутууга балачча үбү-харчыны киллэрэллэр.
Ааспыт сылга өрөспүүбүлүкэҕэ 600 тыһ. кыбатыраатынай миэтэрэ олорор дьиэ тутуллан, үгүс чааһа хаарбах-аварийнай туруктаах дьиэлэргэ олорор ыалга бэриллибитэ. 2025 сылга бу бырагыраама тохтуоҕа. Өлүөнэ өрүһү туоруур күргэ тутуутугар сүрүн быһаарыллар ылылыннылар. Бу тутуу өрөспүүбүлүкэ инфраструктуратыгар сүдү суолталаах бырайыак буолар.
Арассыыйа үрдүнэн экэнэмиичэскэй таҥнары түһүү бара турар кэмигэр даҕаны Саха Сирэ эрэгийиэннээҕи баалабай бородуукта (ВРП) 7 % диэри үрдээһинин көрдөрөн, инбэстиссийэлииргэ табыгастаах килиимэт олохтоммутун уонна экэниэмикэ ырычаахтарын көдьүүстэхтик туһаныы туоһутунан буолаллар. Үрдээһин түмүгэр судаарыстыбаннай бүддьүөт уонна мунципалитеттар дохуоттара үрдээһинигэр.
Билигин дойдуга уустук кэмҥэ, Анал байыаннай дьайыы бара турдаҕына Саха Сирэ маннык түмүктэри көрдөрөрө өрөспүүбүлүкэ хас биирди олохтооҕун, тэрилтэлэрин, урбаанньыттарын үлэлэрин, дьайыыларын туоһутунан буолар. Өрөспүүбүлүкэ Судаарыстыбаннай Мунньаҕын (Ил Түмэн) аатыттан бары кыраасданнарга дириҥ махталбын тириэрдэбин »,- диэн парламент испиикэрэ бэлиэтээтэ.
-
0
-
0
-
0
-
0
-
0
-
0
