Аахсыйа саҕаланыытыгар, Кыайыы болуоссатыгар ыытыллыбыт миитиҥҥэ Ил Түмэн бэрэссэдээтэлин солбуйааччы, Ил Түмэн Култуураҕа уонна киэҥник иһитиннэрэр-биллэрэр сириэстибэлэргэ сис кэмитиэтин бэрэссэдээтэлэ Виктор Губарев тыл эттэ. Кини бу патриоттуу тэрээһининэн, НАТО дойдулара аан дойдуга кутталы үөскэтэн, билигин улахан сэриини күөттүүр усулуобуйаларыгар бары чиэһинэй дьону, Саха Сирин олохтоохторун Ийэ дойду көмүскэлигэр турунарга ыҥырда. Ол курдук, билигин Анал байыаннай дьайыыга тыһыынчаттан тахса, ол иһигэр Саха Сириттэн 21 хомуньуус уонна хомсомуол хорсуннук киирсэ сылдьалларын бэлиэтээтэ уонна дьоруойдуу холобуру көрдөрбүттэри ааттаталаан, дириҥ махталын биллэрдэ. Ону тэҥэ, атырдьах ыйын бүтүүтэ Москубаҕа фашистары утары иккис улахан пуорум буолаары турарын санатта.
Миитиҥҥэ ону кытта Дьокуускай куорат Дууматын дьокутаата, 26 № -дээх орто оскуола дириэктэрэ Айаан Васильев Анал байыаннай дьайыыга сылдьар табаарыстара сулууспалыыр байыаннай чааһыгар анаан “Нива” массыына атыылаһарга харчы хомуйалларын, үп номнуо киирэн эрэрин иһитиннэрдэ, уонна ону өйөөн, бары түмсэн дьону ыҥырыаҕыҥ диэн тыл эттэ.
Ити кэннэ, массыыналар Кыайыы болуоссатыттан Хабаров, Орджоникидзе, Дзержинскэй, Можайскай уулуссаларынан, салгыы Борисовка микрооройуонун ааһан, Улахан, Кыра Мархаларынан Жатайга диэри кыһыл былаахтаах айаннаатылар.
Бу күн эмиэ итинник массыынанан сүүрдүүнү хомуньуус баартыйа оройуоннааҕы кэмитиэттэрэ тэрийдилэр. Ол курдук, Ленскэйгэ, Уус Алдаҥҥа, Нерюнгрига, Мэҥэ Хаҥаласка аахсыйаҕа кыттар массыыналары уулуссаларга дьон уруйдуу, далбаатыы хааллылар, үгүс дьон үөрэ-көтө көрүстүлэр диэн бэлиэтээтилэр.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
