Бэлиитикэ

Сис кэмитиэт бастакы ааҕыытыгар 1 сокуон барыла ылыллыбыт:

– “Саха Өрөспүүбүлүкэтин иһигэр массыына уонна да атын тиэхиньикэ көрүҥүн техническэй туругун эрэгийиэннээҕи судаарыстыбаннай көрүүтүн туһунан” сокуоҥҥа 5 уонна 6 ыстатыйаларыгар уларытыылары киллэрэр туһунан СӨ сокуонун барылын туһунан СӨ “Ил Түмэн” Судаарыстыбаннай Мунньаҕын уурааҕа;

бүтэһиктээх ааҕыыларга 2 сокуон ылыллыбыт:

“Саха Өрөспүүбүлүкэтин иһигэр эрэгийиэннээҕи инвестиционнай бырайыактар олоххо киириилэригэр РФ Нолуогун кодексатын сорох балаһыанньаларын туһаныыга уларытыылары киллэрэр туһунан” СӨ сокуона;“2050 сылга диэри сыаллаах Саха Өрөспүүбүлүкэтин 2032 сылга диэри социальнай-экэнэмиичэскэй сайдыытын стратегиятын туһунан” СӨ сокуонугар уларытыылары киллэрэр сокуон.

Сис кэмитиэт көрүүтүгэр 2 сокуон барыла киирэн турар. Балар 2020 сыл бэс ыйын 10 күнүгэр сис кэмитиэт мунньаҕар көрүллүбүттэрэ эрээри, уһулуччу бэлэм буолуу эрэсиимэ биллэриллэн, пленарнай мунньахха кыайан киирбэккэ хаалбыттара:

“Техногеннай уонна айылҕа быһылааннарыттан өрөспүүбүлүкэ сирин-уотун уонна нэһилиэнньэтин көмүскүүр” туһунан СӨ сокуонугар уларытыылары киллэрэр сокуон барыла;“Күндү таастар уонна тимирдэр” тустарынан СӨ сокуонун 5 ыстатыйатыгар уларытыылары киллэрэр туһунан сокуон барыла;

Сис кэмитиэт көрүүтүгэр бастакы ааҕыытын ааспыт 1 сокуон барыла киирэн сытар:

– “СӨ нэһилиэнньэлээх пууннарыгар нэһилиэнньэни хааччыйарга табаары (бородууксуйаны) киллэрии ураты эрэсиимин” туһунан СӨ сокуонун барылын туһунан “Ил Түмэн” Судаарыстыбаннай Мунньаҕын ыйааҕа.

Сис кэмитиэт бэлэмнээбит уонна “Ил Түмэн” Судаарыстыбаннай Мунньаҕын көрүүтүгэр киллэрэн бигэргэппит ыйаахтара:

–  “СӨ 2005 сыл бэс ыйын 16 күнүнээҕи “Өрөспүүбүлүкэ нэһилиэнньэтин уонна сирин-уотун техногеннай уонна айылҕа быһылааннарыттан көмүскээһин туһунан” СӨ сокуонун сорох нуормаларыгар борокуруор 2020 сыл тохсунньу ыйын 15 күнүнээҕи 73-12-2020/16 №-дээх бырачыаһын туһунан” “Ил Түмэн” Судаарыстыбаннай Мунньаҕын ыйааҕа.

Отчуоттуур кэм устата кэмитиэт тэрийэн ыытта:

7 мунньаҕы;10 үлэ хаамыытынан мунньаҕы;“Дьокуускай куорат аннынан Өлүөнэ өрүһү туоруур төлөбүрдээх айан муостатын бырайыактааһынын, тутуутун уонна көрүүтүн-харайыытын концессионнай сөбүлэҥин усулуобуйаларын туһунан” тиэмэҕэ бырабыытылыстыба чааһын;4 араас хайысхалаах дьаһаллары, ол иһигэр:

– СӨ нэһилиэнньэтин олоҕун-дьаһаҕын хааччыйыы судаарыстыбаннай кэмитиэт коллегията;

– Нерюнгри улууһугар Эльгинка таас чоҕу хостуур түөлбэҕэ нэһилиэнньэлээх пууну тэрийии туһунан этиигэ үлэлии бөлөҕү;

– “2050 сылга диэри сыаллаах Саха Өрөспүүбүлүкэтин 2032 сылга диэри социальнай-экэнэмиичэскэй сайдыытын стратегиятын” көннөрөргө тэрилтэлэр икки ардыларынааҕы үлэлиир бөлөҕү;

– СӨ “Ил Түмэн” Судаарыстыбаннай Мунньаҕын иһинэн сыыппара экэниэмикэтин сайдыытын боппуруостарыгар эспиэрдэр сүбэ мунньахтара.

Сис кэмитиэт бэрэссэдээтэлэ Павел Петров кыттыыны ылла:

– “Столица” дьокутааттар ассоциацияларын үлэтигэр. Манна Дьокуускай думатын дьокутааттара уонна СӨ “Ил Түмэн” Судаарыстыбаннай Мунньаҕын Дьокуускай иһиттэн талыллыбыт дьокутааттара киирэллэр;

– Дьокуускай куорат уонна Жатай бүддьүөттэрин бырайыактарын туһунан үлэ хаамыытынан мунньахтарыгар;

– “Якутск инвестируй в Якутию!” дьылабыай сессия үлэтигэр;

– Саха Өрөспүүбүлүкэтин иһигэр газомоторнай уматык сайдыытын техническай мунньаҕар;

– Арассыыйа Нефтегазстройпрофсойууһун бэрэссэдээтэлин А.В. Корчагины кытта көрсүһүүгэ;

– “Инфофорум-2020” информационнай көмүскэл национальнай улахан форумугар (Москва к.);

–  Томпо улууһун баһылыгын кытта көрсүһүү чэрчитинэн Үөһээ Мэҥкэчэҕэ “Нежданинскай” үрүҥ көмүстээх поли-тимирдэри хостуур эбийиэктэр тутууларыгар;

Сис кэмитиэт бэрэссэдээтэлэ Павел Петров олохтоохтору кытта биэс төгүллээн сирэй көрүстэ.

“Ил Түмэн” Судаарыстыбаннай Мунньаҕын информационнай аналитическай салаатын матырыйаалларынан бэлэмнэннэ.