Санаттахха, өрөспүүбүлүкэ парламеныгар бу сокуоҥҥа уларытыылар туһунан этиини СӨ Бырабыыталыстыбата бу дьыл атырдьах ыйыгар киллэрбитэ. Ил Түмэн “Уһук Илин гектар” чэрчитинэн маһы бэлэмнээһиҥҥэ сокуон барылын көрөн, бэйэ туһатыгар маһы соҕотуопкалааһыны быраап өртүнэн ситэрэн-хоторон биэрбитэ уонна норуот дьокутааттара бу күһүҥҥү сиэссийэлэригэр киллэрбитэ.
РФ Ойуур кодексын 30 ыстатыйатын 5 чааһынан, кыраасданнар бэйэ туһугар маһы соҕотуопкалааһын бэрээдэгэ уонна нуормалааһына РФ эрэгийиэннэрин сокуоннарынан быһаарыллар.
Сокуон барылыгар ыйыллыбытынан, кыраасданнарга сири туһаналларыгар анаан төлөбүрэ суох бэриллибит учаастактарга тутуу ыыталларыгар, бэйэ туһатыгар маһы соҕотуопкалааһыҥҥа эбии нуормалааһын кээмэйэ 20 ыстатыйа 4 чааһынан икки төгүл үрдэтилинэ.
Бу иннинэ Уһук Илин гектары туһанааччылар маһы соҕотуопкалыыр кэммиэрчэскэй структуралартан атыылаһарга күһэллэлэрэ, аны ыраах турар сир учаастактарыгар тиэйэргэ-таһарга сыаната лаппа үрдүүрэ.
2016 сыллаахтан ыла Саха Сиригэр Ууһук Илин гектары ылааччылар 13 тыһ. сир учаастагын ыллылар, ол иһигэр ойуур пуондатыттан 4824 учаастак бэрилиннэ. Чинчийии түмүгүнэн, Уһук Илиҥҥэ бу бырагырааманан туһанааччылар 40 % олорор дьиэ туттарга, 25 % - тыа хаһаайыстыбатынан дьарыктанарга, 13 % - даача уонна кэтэх хаһаайыстыба тэринэргэ уоннааҕылара урбаанынан ( гостиница, туризм баазата, маҕаһыын, кафе, АЗС уо.д.а) дьарыктанарга былааннаналлар.
Сокуоҥҥа уларытыыны киллэрии кыраасданнар ойуур маһын бэйэ туттарыгар эбии нуорманы туһаналларыгар кыаҕы биэриэҕэ.
Василий КОНОНОВ хаартыскаҕа түһэриитэ
-
0
-
0
-
0
-
1
-
0
-
0
