Сокуон олохтоох салайыныы уорганнарын норуоттар ыккардыларынааҕы уонна тас экэниэмикэтээҕи сибээһи олохтуулларын туһунан быһаарыыларын СӨ Тас сибээскэ уонна норуоттар дьыалаларыгар министиэристибэтин, боломуочуйалаах уорганын кытта сөбүлэһиннэрэн, атын дойду судаарыстыбаларын судаарыстыбаннай-сирдээх, дьаһанар сабардыыр сирдээх уонна муниципальнай тэриллиилэрин бэрэстэбиитэллэрин кытта норуоттар ыккардыларынааҕы уонна тас экэниэмикэтээҕи сибээс эйгэтигэр көрсүһүүлэри, консултаассыйалары уонна атын тэрээһиннэри ыытыы туһунан этии киллэрэр.
Ону тэҥэ сокуонунан олохтоох салайыныы уорганнара норуоттар ыккардыларынааҕы уонна тас экэниэмикэтээҕи сибээһи олохтуулларын туһунан сөбүлэһиилэр түмүктүүр быһаарыыларын сөбүлэһиннэрии бэрээдэгэ уонна сөбүлэһиилэри регистрациялааһын бэрээдэгэ көрүллэр.
Сокуонунан муниципальнай тэриллиилэр Саха Өрөспүүбүлүкэтин Бырабыыталыстыбата быһаарбыт бэрээдэгинэн сөбүлэһии испииһэгин толорор эбээһинэстэрэ олохтонор.
Сокуон норуоттар ыккардыларынааҕы уонна тас экэниэмикэтээҕи сибээһи олохтооһун туһунан олохтоох салайыныы уоргана иһитиннэрии оҥорор бэрээдэгин чопчулуур. Онон муниципальнай тэриллии баһылыга сыл аайы тохсунньу 15 күнүгэр диэри боломуочуйалаах уоргаҥҥа ыйыллыбыт уорган олохтообут бэрээдэгинэн бу муниципальнай тэриллии олохтоох салайыныы уорганнара норуоттар ыккардыларынааҕы уонна тас экэниэмикэтээҕи сибээһи олохтооһуннарын уонна бу иннинээҕи сылга маннык сибээһи олохтооһун түмүктэрин туһунан иһитиннэрии оҥорор. СӨ Бырабыыталыстыбата сыл аайы олунньу 1 күнүгэр диэри ситэриилээх былаас олохтоох салайыныы уорганнарын норуоттар ыккардыларынааҕы уонна тас экэниэмикэтээҕи сибээстэрин эйгэтигэр судаарыстыбаннай бэлиитикэни ырытан оҥорууга, олоххо киллэриигэ уонна нуорма-быраап өттүнэн сүрүннээһиҥҥэ анал үлэни толорор боломуочуйалаах федеральнай уорган – РФ Экэниэмикэни сайыннарар министиэристибэтигэр ыйыллыбыт федеральнай уорган олохтообут бэрээдэгинэн олохтоох салайыныы уорганнара норуоттар ыккардыларынааҕы, тас экэниэмикэтээҕи сибээһи олохтуулларын туһунан уонна бу иннинээҕи сылга маннык сибээһи олохтооһун түмүктэрин туһунан иһитиннэрии оҥорор.
Маннык сокуон Москва, Калуга, Кострома, Свердлов, Владимир уобаластарыгар уонна Россия Федерациятын атын субъектарыгар ылылынна.
Саха Өрөспүүбүлүкэтин Ил Түмэнин Бэрэссэдээтэлин солбуйааччыта – судаарыстыбаннай тутууга уонна сокуону таһаарыыга Саха Өрөспүүбүлүкэтин Ил Түмэнин сис кэмитиэтин бэрэссэдээтэлэ Афанасий Владимиров кэмитиэн сокуону иккис ааҕыыга ылынары биһирээбитин эттэ.
Норуот дьокутааттара сокуону иккис (бүтэһиктээх) ааҕыыга ылыннылар.
Ил Түмэн пресс-сулууспата
Хаартыскаҕа Василий Кононов түһэриитэ, Ил Түмэн
-
0
-
0
-
0
-
0
-
0
-
0
