Тэрээһин видео-кэмпириэнсийэ көрүҥүнэн барда.
Мунньах кыттыылаахтара: “СӨ Ил Дарханын дьаһалтатыгар уонна Бырабыытылыстыбатыгар бас бэринэр судаарыстыбаннай тэрилтэлэр үлэһиттэрин хамнастарын балаһыанньатын бигэргэтии туһунан” уонна “Баайга-дуолга уонна сир-уот сыһыаннаһыыларын министиэристибэтигэр бас бэринэр судаарыстыбаннай тэрилтэлэр үлэһиттэрин хамнастарын балаһыанньатыгар (П-08-51 №-дээх 12.03.2019 с. ылыллыбыт балаһыанньа) уларытыылары киллэрэр туһунан” боппуруостары дьүүллэстилэр.
Ол курдук, “СӨ Ил Дарханын иһинэн үлэлиир инновационнай менеджмент үрдүкү оскуолатын” судаарыстыбаннай автономнай тэрилтэтин үлэһиттэрин хамнастарын пуондатын суоттааһын саҥа бэрээдэгин уонна штатнай расписаниетын бырайыагын көрдүлэр. Үлэҕэ көҕүлүүр төлөбүрдэр (стимулирующие) кээмэйдэрин тэрилтэ нормативнай аакталарыгар, быыбарданар профсойуус уонна үлэһиттэр этиилэригэр олоҕуран бигэргэттилэр.
Санатан эттэххэ, Саха Өрөспүүбүлүкэтин бүддьүөтүн эйгэтин үлэһиттэрин хамнастарын төлөбүрүн усулуобуйатын бигэргэтэр тэрилтэлэр икки ардыларынааҕы хамыыһыйа мэлдьи үлэлиир коллегиальнай координационнай уорганынан буолар. Бу уорган бүддьүөт эйгэтин үлэһиттэрин хамнастарыгар биир кэлим сыһыаны олохтуур уонна үлэ-хамнас төлөбүрүн боппуруостарынан дьарыктанар уопсастыбаннай түмсүүлэр этиилэригэр олоҕуран сөптөөх дьаһаллары ылар сыаллаах.
Хамыыһыйа сүрүн соруктарынан: бүддьүөт үлэһиттэрин хамнастарын боппуруостарыгар биир систиэмэлээх сыһыаны олохтооһун; СӨ судаарыстыбаннай толорор уорганнарын былааһын уонна бэйэни салайыныы уорганнарын тэрилтэлэрин икки ардыларыгар хамнас төлөбүрүн боппуруостарыгар биир санаалаах позицияны олохтооһун; СӨ бары боломуочуйаларыгар олоҕуран бүддьүөт эйгэтин үлэһиттэрин хамнастарын төлөбүрүн үбүлээһинин бэрээдэгин бигэргэтии; бүддьүөт үлэһиттэрин хамнастарын туругун анаалыстааһын, СӨ Бырабыытылыстыбатын нормативнай правовой аакталарын бэлэмнээһин, СӨ судаарыстыбаннай толорор уорганнарын былааһын уонна бэйэни салайыныы уорганнарын тэрилтэлэригэр хамнас төлөбүрүн боппуруостарыгар сүбэ-ама биэрии буолаллар.
Саха Өрөспүүбүлүкэтин бүддьүөтүн эйгэтин үлэһиттэрин хамнастарын төлөбүрүн быһаарар тэрилтэлэр икки ардыларынааҕы хамыыһыйаҕа норуот дьокутаата Владимир Чичигинаров, үлэҕэ уонна социальнай сайдыыга миниистир Елена Волкова, үлэҕэ уонна социальнай сайдыыга миниистир солбуйааччыта, хамыыһыйа эппиэттиир сэкирэтээрэ Альбина Трубина, үөрэх миниистирэ Михаил Сивцев, доруобуйа харыстабылын миниистирэ Елена Борисова, култуура уонна духуобунай сайдыы миниистирэ Юрий Куприянов, үп миниистирин солбуйааччы Октябрина Никонова, экэниэмикэ миниистирин солбуйааччы Татьяна Лебедева, баайга-дуолга уонна сир-уот сыһыаннаһыыларын миниистирин солбуйааччы Саргылаана Готовцева, СӨ Ил Дарханын уонна Бырабыытылыстыбатын кадровай бэлиитикэҕэ, судаарыстыбаннай уонна муниципальнай сулууспаҕа департаменын салайааччытын солбуйааччы Лена Ермолаева, СӨ Ил Дарханын уонна Бырабыытылыстыбатын бэйэни салайыныы уорганнарын боппуруостарыгар департаменын салайааччытын солбуйааччы Владимир Птицын, өрөспүүбүлүкэ профсойуустарын бэрэссэдээтэлэ Николай Дегтярев, үлэ судаарыстыбаннай инспекциятын салайааччы Светлана Глухих киирэллэр.
“Ил Түмэн” пресс-сулууспата.
-
0
-
0
-
0
-
0
-
0
-
0
