Издательский дом Редакция Подписка
Погода в Якутске: . 21 oC

Мэҥэ Хаҥалас улууһугар кэнники сылларга бииртэн биир бөдөҥ тутуу саҕаланар. Улуус сиригэр тимир суол кэлэн, Өлүөнэ кытылыгар Аллараа -Бэстээххэ өрүс ааллара тиксэр сирдэрэ-причал тутуута саҕаланан, өрүһү туоруур муоста тутуута көрүллэн, дьон-сэргэ Мэҥэҕэ тардыһыыта күүһүрэн иһэр. Ону сэргэ улуус нэһилиэктэригэр эмиэ бөдөҥ тутуулар бара тураллар.

Мэҥэ Хаҥалас улууһугар кэнники сылларга бииртэн биир бөдөҥ тутуу саҕаланар. Улуус сиригэр тимир суол кэлэн, Өлүөнэ кытылыгар Аллараа -Бэстээххэ өрүс ааллара тиксэр сирдэрэ-причал тутуута саҕаланан, өрүһү туоруур муоста тутуута көрүллэн, дьон-сэргэ Мэҥэҕэ тардыһыыта күүһүрэн иһэр. Ону сэргэ улуус нэһилиэктэригэр эмиэ бөдөҥ тутуулар бара тураллар.

Александр Жирков: “Мэҥэ Хаҥалас улууһугар балайда ыгым кыраапыктаах тутуулар бара тураллар. Кэлэр сылларга былааммыт эмиэ улахан. Онон 2019-2020 сылларга үлэҕэ киириэхтээх тутуулар көрүллүбүт болдьохтон уһуо, кэлэр сылларга саҕаланыахтааах тутуулары  мэһэйдиэ, атахтыа суохтаахтар. Өрөспүүбүлүкэ салалтата, улуус дьаһалтатын кытта тутууга бытаарыы инникитин тахсыбатын туһугар дьулуһар. Онон, тэҥнэнэн көрөбүт, итэҕэс-быһаҕас кэмигэр туоратылларын туһугар”, - диэн бу сырыы соругун чопчу быһаарда.

IMG 20201015 WA0026

Бу дьыл алтынньы ый 15 күнүгэр Ил Түмэн бастакы вице-спикерэ Александр Жирков, Мэҥэ Хаҥалас улууһун баһылыга Николай Старостин, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин, Мэҥэ Хаҥаластан Саха Өрөспүүбүлүкэтин норуодунай дьокутаата Юрий Баишев, улуустааҕы үөрэх управлениятын начальнига Ирина Черкашина Балыктаах, Төҥүлү, Тумул нэһилиэктэригэр уонна Аллараа Бэстээх бөһүөлэҕэр сырыттылар.

Балыктаах бөһүөлэгэр тутулла турар 150 миэстэлээх саҥа таас оскуоланы Василий Пинигин салайар “Электромонтаж” ХЭТ бэдэрээттэһэн тутар. Үлэ түмүктэнэн эрэр.

Төҥүлү бөһүөлэгэр 140 миэстэлээх уонна Аллараа Бэстээххэ 240 миэстэлээх оҕо уһуйааннара 2015-2016 сыллардаахха судаарыстыбаннай уонна чааһынай үлэлэһии чэрчитинэн тутуулара саҕаламмыттара. Тутааччылар дьалаҕайдарыттан, үлэлэрин ситэри толорботохторун түмүгэр үгүс харгыстар үөскээн, тутуулар лаппа бытаарбыттара. Улуус баһылыга Николай Старостин этэринэн билигин оҕо уһуйааннарын тутуутугар саҥа бэдэрээччиттэр үлэҕэ ылыстылар. Бу икки улахан күүтүүлээх тутуу   ахсынньы ыйга түмүктэнэн, хамыыһыйаҕа туттарыллыахтаахтар.

Тумул бөһүөлэгэр баһылык Николай Сивцев нэһилиэк, улуус кыттыһан 15 миэстэлээх интернат туппуттарын көрдөрдө. Маны таһынан Тумулга успуорт саалата өрөмүөннэннэ, эбии кэккэлэһэ саҥа тустуу саалата тутулунна.

IMG 20201015 WA0033

Аны, Аллараа-Бэстээххэ кыһыннары үлэлиир бассейнаах баараҕай успуорт комплексын тутуута түмүктэнэн эрэр. Манна үлэ тэтимнээхтик бара турар. Билигин эбийиэк үбүлээһинин, итиитин, ким бас билиитиигэр киирэрэ, үлэлиир дьонун уонна да атын тэрээһин боппуруостар быһаарылллалар.

Ил Түмэн вице-спикерэ салайар бөлөҕө бу сырыы түмүгүнэн улуус дьаһалтатын кытта сүбэ мунньах оҥордо. Ситэ быһаарыллыбатах боппуруостары кэлэр нэдиэлэҕэ бырабыыталыстыба таһымыгар дьүүллэһэргэ быһаарыы ылылынна.

Матвей Соркомов, Ил Түмэн.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51