“СӨ үөрэҕин туһунан” СӨ сокуонугар уларытыы киллэрэр туһунан”, “СӨ судаарыстыбаннай ыччат бэлиитикэтин туһунан сокуоҥҥа уларытыы киллэрэр туһунан” сокуон барылларын ырыттылар уонна “Добун” устудьуон тутуу этэрээтин очтуотун иһиттилэр.
Эдэр парламентарийдар “СӨ үөрэҕин туһунан” сокуоҥҥа эбии үөрэхтээһин судаарыстыбаннай тэрилтэлэрин тэрийэргэ хайысхаламмыт этии киллэрбиттэрэ. Бу сокуон барыла сокуону оҥоруу “Мин көҕүлүүр сокуонум” куонкурус үлэтинэн буолбута. Пленарнай мунньахха сокуон барылын ырытан баран, итэҕэстэр баалларын быһааран, салгыы ситэриллэригэр эттилэр.
Маны таһынан Өрөспүүбүлүкэҕэ ыччат бэлиитикэтин туһунан сокуону ситэрэр туһунан этии киирдэ. Ол курдук сокуоҥҥа эбии ыстатыйанан боломуочуалаах уорганнар судаарыстыбаннай эдэр ыччат бэлиитикэтин хайысхаларынан чинчийии үлэтин ыытара буолла. Чинчийии түмүктэрэ ыччат бэлиитикэтэ олоххо киирэригэр туох кыһалҕалар, итэҕэстэр, үтүө өрүттэр баалларын быһаарарга көмөлөһүөҕүн ыйдылар.
“Добун” устудьуон этэрээтин сайыҥҥы үлэтин туһунан Ыччат парламенын чилиэнэ, этэрээт хамандыыра Григорий Местников кэпсээтэ. Устудьуоннар Таатта, Хаҥалас, Мэҥэ Хаҥалас улуустарыгар үлэлээбиттэр. Социальнай эбийиэктэри тутууга, нэһилиэнньэлээх пууну тупсарыы үлэтигэр көмөлөспүттэр. Билигин эһиил сайын устудьуон этэрээттэрин хамаандатын хомуйа сылдьалларын иһитиннэрдэ.
Мунньахха Москва куоракка Ыччат парламенын бэрэстэбиитэлин анаатылар. Атын субъектар Ыччатын парламеннарыгар Судаарыстыбаннай дума иһинэн ычат парламенын кытары сибээстэһэргэ бу маннык быраактыка баар эбит. Бэрэстэбиитэлинэн Москваҕа үлэлиир, МГУ-ну бүтэрбит Сардаана Дьуон-Дьангхай ананна. Ыччат парламенын бэрэссэдээтэлин бастакы солбуйааччытынан ХИФУ Горнай институтун преподавателэ Арылхан Борисов буолла.
Пленарнай мунньах түмүгэр Ыччат парламенын бэрэссэдээтэлэ Алексей Иннокентьев саҥа анаммыт дьоҥҥо ситиһиилээх үлэни баҕарда уонна пандемия иннигэр былааннаммыт үлэлэр олоххо киирэллэригэр үлэ күүскэ барыахтааҕын туһунан эттэ.
Ил Түмэн пресс-сулууспата
-
0
-
0
-
0
-
0
-
0
-
0
