Кээмэйи олохтуур сокуон биэнсийэлээххэ социальнай эбии төлөбүрү аныыр сыаллаах. Сокуон барылын СӨ баһылыга көҕүлээн киллэрбит. Бу сокуон барыла үлэлээбэт биэнсийэлээхтэргэ сыһыаннаах. Өскөтүн кини дохуота тиийинэн олоруу кээмэйиттэн намыһах буоллаҕына, эбии социальнай төлөбүр олохтонор.
2020 сыл бастакы кыбаарталыгар биэнсийэлээх тиийинэн олорор кээмэйэ 14076 солк, иккис кыбаарталга 14215 солк. тэҥнэспитэ. 2021 сылга эбии социальнай төлөбүрү аныыр тиийинэн олорор кээмэй бастакы зонаҕа 18383 солк, иккис зоноҕа 15077 солк. буолуоҕа. Бу сокуон барылын өрөспүүбүкэ бүддьүөтэ үбүлүүр.
Билиҥҥи туруган 2019 сыллаахха олохтоммут тиийинэн олорор кээмэйтэн кыра дохуоттаах буолан, социальнай эбии төлөбүрдээх биэнсийэни ылааччы киһи ахсаана сабаҕалаан 37341 тэҥнэһэр.
-
0
-
0
-
0
-
0
-
0
-
0
