Кэмитиэт чилиэннэрэ “Дьиэ тутааччылара бэйэлэрин эбээһинэстэрин толорботохторун түмүгэр эмсэҕэлээбит гражданнарга судаарыстыбаннай өйөбүл оҥорор туһунан” СӨ сокуонугар уларытыыны киллэрэр сокуон барылын ырыттылар. Сокуон барыла 2019 сыл от ыйын 27 күнүгэр ылыллыбыт “Элбэх кыбартыыралаах дьиэлэри тутууга өлүүлээн кыттыһыы уонна сорох РФ сокуон акталарыгар уларытыыны киллэрии туһунан” ФС (салгыы федеральнай сокуон) киирбитинэн бэлэмнэммит.
Сокуон барылыгар “Дьиэ тутааччылар бэйэлэрин эбээһинэстэрин толорботохторун түмүгэр эмсэҕэлээбит гражданнарга судаарыстыбаннай өйөбүл туһунан” өрөспүүбүлүкэ сокуонугар баар сорох өйдөбүллэр чуолкайданаллар. Ол курдук, “дьиэни тутууга өлүүлээн кыттааччы”, “кыһалҕалаах эбийиэк”, “Тутааччы” диэн өйдөбүллэр. Чуолкайдааһыннар сокуоҥҥа ситэри быһаарыллыбатах “дьиэни тутууга өлүүлээн кыттааччы” уонна “эмсэҕэлээбити туттарааччы” диэн өйдөбүллэри быһааран биэрэллэр.
Кыһалҕалаах эбийиэктэри ситэри туталларын сыалтан РФ субъектарыгар пуонда тэрийэллэригэр сорудах бэриллибит. Онон 2019 сыл алтынньы 22 күнүгэр Саха өрөспүүбүлүкэтигэр тутууга өлүүлээн кыттааччы быраабын көмүскүүр пуонда тэриллибит. Пуонда моҥкуруокка барбыт тутааччы баайын-дуолун уонна эбээһинэһин ылар кыахтаммыт. Өскөтүн тутууну федеральнай, өрөспүүбүлүкэ бүддьүөтүттэн убүлүүр буоллахтарына.
Федеральнай сокуон элбэх кыбартыыралаах дьиэни тутууга үптэрин бараабыт уонна бырааптара кэһиллибит гражданнар реестирдэрин судургуппут. Ситэри тутуллубатах кыһалҕалаах дьиэлэр биир кэлим реестирдэрэ оҥоһуллубут. Ол реестиргэ дьиэ тутааччылары кытта дуогабар түһэрсибит дьон быһа учуоттаналлар. Маннык балаһыанньалар учуоттаналлар: тутааччы дьиэни туттарыахтаах болдьоҕуттан алта ый тахсыбыт, тутааччы моҥкуруотунан билиниллибит буоллаҕына.
Онон дьиэни тутууга өлүүлээн кыттар киһи боломуочуйалаах судаарыстыбаннай уоргаҥҥа РФ тутууга министиэристибэтинэн ирдэнэр урукку бирикээскэ олоҕуран сайабылыанньа биэрэрэ наадата суох буолбут.
Норуот дьокутааттара барыта сокуоҥҥа киирбит 5 көннөрүүнү ырыттылар. Куоластааһын түмүгүнэн Яков Ефимов киллэрбит биир көннөрүүтүн ылыннылар. Евгений Кожухов киллэрбит түөрт көннөрүүтүн ылымматылар. Сокуон барылын иккис уонна бүтэһик ааҕыыга ылынар туһунан куоластаатылар.
-
0
-
0
-
0
-
0
-
0
-
0
