– Хас биирдии киһи бэйэтин санаатын этэр бырааптаах. Ол курдук, ким эрэ Өлүөнэ муостатын тутуутун биһирээбэт, утарар. Биир бэйэм санаабар, муостаны тутуу Саха сирин олохтоохторун интэриэстэригэр толору эппиэттиир. Бу муоста тутулуннаҕына, айан-сырыы хас эмэ төгүл сайдара, Саха сирин дьонун-сэргэтин олоҕун таһыма үрдүүрэ саарбахтаммат. Өскөтүн бырайыак олоххо киирэн хааллаҕына, өрөспүүбүлүкэ инники сайдыытыгар улахан суолталаах буолуо дии саныыбын.
Билигин парламент концессионнай сөбүлэҥнэри түһэрсиигэ кыайан кыттыспат. Ол курдук, РФ бары парламеннара судаарыстыбаннай бырагыраамалары кыайан оҥорсубаттар. Итинэн тус хайысхалаах министиэристибэлэр дьарыктаналлар. Ол гынан баран, Ил Түмэн быйылгы сылга өрөспүүбүлүкэ бары бырагыраамаларын олоххо киириилэрин хонтуруолга ыларыгар сорудахтаатым. Өскөтүн бырагыраамалары уларытар кыахтаах буоллахпытына эрэ, бүддьүөкка сабыдыаллыахпытын сөп, – диэн спикер быһаарда.
-
0
-
0
-
0
-
0
-
0
-
0
