Манна бэлиэтээн эттэххэ, быйыл Арассыыйаҕа Наука уонна технология сыла биллэриллибитэ. Аҕыйах хонуктааҕыта Дьокуускайга Арассыыйа наукатын академиятын бэрэсэдьиэнэ Александр Сергеев кэлэ сылдьыбыта. Кини “Наука” национальнай бырайыак иһинэн “Хоту сир бигэ сайдыыта” диэн бөдөҥ научнай үөрэтэр киин олоххо киириитин боппуруоһунан кэпсэппитэ.
Петр Гоголев учуонайдары кытта көрсүһүүгэ Ил Түмэҥҥэ “Саха Өрөспүүбүлүкэтин научнай тэхиньиичэскэй кыаҕын сайыннарыы” туһунан парламентскай истиилэр уонна “Саха сирин эдэр учуонайдарын өйөбүлүн” туһунан “төгүрүк остуол” буолан ааспыттарын туһунан кэпсээтэ.
Ил Түмэн Бэрэссэдээтэлэ бастыҥ научнай кэлэктииптэри граннарынан өйөөһүн үлэ күүһүрэригэр, өрөспүүбүлүкэҕэ научнай чинчийиилэр салгыы сайдалларыгар, Бүлүү бөлөх улуустарыгар экологическай чинчийиилэр иккис түһүмэхтэригэр киирэллэригэр, научнай тэрилтэлэргэ эдэр учуонайдар кэлэллэригэр баҕарда.
Спикер Саха сирин наукатын Академиятын статуһун өрөспүүбүлүкэтээҕи “Наука уонна судаарыстыбаннай научнай-тэхиньиичэскэй бэлиитикэ” туһунан сокуоҥҥа өссө чопчулуохха наада диэн санаалааҕын биллэрдэ.
Салгыы Петр Васильевич Наука уонна технология сылыгар Саха сирин учуонайдарын Академия оруолун өссө күүһүрдэргэ ситиһиилээхтик үлэлииллэригэр ыҥырда.
-
0
-
0
-
0
-
0
-
0
-
0
