Сокуон барылын нэһилиэнньэ олоҕо-дьаһаҕа көмүскэллээх буолуутун хааччыйар судаарыстыбаннай кэмитиэт салайааччыта Дмитрий Лепчиков билиһиннэрдэ. Бу докумуон өрөспүүбүлүкэ сокуонун 2021 сыл тохсунньу 1 күнүгэр күүһүгэр киирбит “РФ баһаарынай өттүнэн көмүскэллээх буолуутун туһунан” 454-с №-дээх сокуонугар сөп түбэһиннэрдэ.
Бастатан туран, саҥа докумуоҥҥа кэккэ өйдөбүллэр чопчуланнылар. Ол курдук, “ландшафтнай (ойуур) баһаара” диэн өйдөбүл быһаарыыта киирдэ. Маны таһынан, ойуур баһаардарын умулларыыга туһуламмыт тэрээһиннэр, ойуур баһаардарыттан эмсэҕэлиэн сөптөөх нэһилиэнньэлээх пууннар испииһэктэрэ, олохтоох бэйэни салайыныы уорганнарын боломуочуйалара чуолкайданнылар.
Сокуон сүнньүнэн норуот дьокутааттара Павел Ксенофонтов, Петр Аммосов, Евгений Перфильев, Владимир Прокопьев, Михаил Эверстов, Андрей Находкин, Матвей Евсеев тыл эттилэр.
-
0
-
0
-
0
-
0
-
0
-
0
