СӨ Төрүт сокуонун сүбэтин сэкирэтээр-сүбэһитин дуоһунаһыгар Татьяна Валерьевна Павлова бигэргэннэ;
СӨ Төрүт сокуонун сүбэтин бэрэссэдээтэлин солбуйааччынан Алексей Михайлович Ефимов бигэргэннэ;
СӨ Төрүт сокуонун сүбэтин бэрэссэдээтэлин солбуйааччынан Олег Борисович Мироновскай бигэргэннэ;
СӨ Төрүт сокуонун сүбэтин бэрэссэдээтэлинэн Ил Түмэн билиҥҥи спикерэ Петр Васильевич Гоголев бигэргэннэ.
Кандидаттары өйөөтүлэр
Ил Түмэн хотугу аҕыйах ахсааннаах норуоттар уонна Аартыка дьыалаларыгар сис кэмитиэтин бэрэссэдээтэлэ Елена Голомарева уонна норуот дьокутаата Евгений Кожухов Татьяна Павлова кандидатуратын өйөөтүлэр. Кинилэр кандидаты үрдүк таһымнаах “профессионал” быһыытынан сыаналаатылар. Дьүүллэһии кэмигэр “Сиэрдээх Арассыыйа” фракциятын салайааччы Юрий Григорьев П.В. Гоголев кандидатуратын өйөөрүн биллэрдэ. РЛДП фракциятын аатыттан Евгений Перфильев бары кандидатуралары өйүүллэрин туһунан тыл эттэ.
Ил Түмэн судаарыстыба тутулугар уонна сокуону оҥорууга сис кэмитиэтин бэрэссэдээтэлэ Алексей Еремеев Ил Түмэн киллэрбит кандидатураларын кэмитиэт мунньаҕар өйөөбүттэрин кэпсээтэ.
Ил Түмэн бүддьүөккэ, үпкэ-харчыга, нолуокка уонна сыана бэлиитикэтигэр, кэтэх бас билиигэ уонна приватизацияҕа сис кэмитиэтин бэрэссэдээтэлэ Юрий Николаев А.М. Ефимов кандидатуратын өйөөтө. Юрий Михайлович А.М. Ефимов Мииринэй улууһун Удачнай куоратыгар борокуруорунан, СӨ киһи быраабыгар боломуочуйалааҕынан уонна Киин быыбардыыр хамыыһыйа бэрэссэдээтэлинэн үлэлии сылдьыбытын туһунан сырдатта.
РФКП фракциятын аатыттан Иннокентий Романов А.М. Ефимов кандидатуратын хомуньуустар өйүүллэрин биллэрдэ уонна бары өттүнэн дьоҕурдаах юрист буоларын бэлиэтээтэ.
Вице-спикер, РФКП фракциятын салайааччы Виктор Губарев уонна норуот дьокутаата Иван Данилов О.Б. Мироновскай кандидатуратын өйөөтүлэр.
“Биир ньыгыл Арассыыйа” бэлитиичэскэй баартыйа аатыттан норуот дьокутаата Павел Ксенофонтов Петр Гоголев кандидатуратын өйүүрүн биллэрдэ. Парламентарий Ил Дархан сөптөөх быһаарыныы ылыммытыгар махтанна. “Петр Васильевич талааннаах юрист, конституционнай боппуруостарга улахан уопуттаах киһи. Биһиги, норуот дьокутааттара, кини үрдүк таһымнаах идэтийиитин туоһулуубут”, – диэн эттэ.
Бу курдук, Ил Түмэн XXVIII уочарата суох пленарнай мунньаҕар Ил Түмэн үлэтигэр, социальнай эйгэҕэ, ойуур баһаардарыгар уонна Төрүт сокуон сүбэтигэр сыһыаннаах өрөспүүбүлүкэ олоҕор олус суолталаах боппуруостар көрүлүннүлэр.
-
0
-
0
-
0
-
0
-
0
-
0
