Санатар буоллахха, Ил Түмэн Бэрэссэдээтэлэ Петр Гоголев бэс ыйын 15 күнүгэр XXIX уочараттаах пленарнай мунньах бэс ыйын 30 күнүгэр – от ыйын 1 күнүгэр ыҥырылларын туһунан дьаһалга илии баттаабыта. Мунньах бэс ыйын 30 күнүгэр сарсыарда 10 чааска саҕаланыаҕа. Бэбиэскэҕэ быһа барыллаан 27 боппуруос көрүллэрэ быһаарыллыбыт. Олортон сүрүннэрин билиһиннэрэр буоллахха, Алдан, Мииринэй оройуоннарыгар уонна Дьокуускай куоракка мировой судьуйалар дуоһунастарын быһаарыы уонна 16-тан тахса сокуон бырайыагар көннөрүүлэри киллэриилэр бааллар. Итини тэҥэ, “2021 сылга уонна 2022, 2023 сыллардааҕы кэмҥэ торумнанар судаарыстыба бүддьүөтүн туһунан” өрөспүүбүлүкэ сокуонун бырайыага көрүллүөҕэ.
-
0
-
0
-
0
-
0
-
0
-
0
