– Арассыыйа гражданнарын кытта маннык аһаҕас кэпсэтии бүтүн дойду, хас биирдии эрэгийиэн, уопсастыба, дьиэ кэргэн уонна гражданин сайдыыларын көҕүлүүр. Владимир Владимирович былааһы мэлдьи аһаҕас буоларга ыҥырар. Кини бэйэтин холобурунан гражданнарын туһугар улахан эппиэтинэһи сүгэрин уонна ханнык баҕарар ыйытыыга хоруйдуурга бэлэмин көрдөрдө. Бэрэсэдьиэн быһа эфиригэр хамсык кэмигэр саамай сытыытык турбут кыһалҕалары барытын ырытта. Кини күргүөмнээх вакцинация эрэ коронавируһу кыайар кыахтааҕын бэлиэтээтэ. РФ Бэрэсэдьиэнин В.Путин аһаҕас кэпсэтиитэ өссө төгүл Арассыыйа модун уонна кэскиллээх судаарыстыба буоларын көрдөрдө. Дойдубут баһылыга кыһалҕаларбытын сурах-садьык эрэ курдук билэр буолбатах, кини нэһилиэнньэ кыһалҕаларын быһаччы быһаарарга уонна дойду национальнай интэриэстэрин көмүскүүргэ дьулуһара көстөр, – диэн Антонина Афанасьевна санаатын үллэһиннэ.
“Саха сирэ” хаһыат матырыйаалынан.
-
0
-
0
-
0
-
0
-
0
-
0
