Издательский дом Редакция Подписка
Погода в Якутске: . -12 oC

Бүгүн, ол эбэтэр ахсынньы 14 күнүгэр ыытыллыбыт Ил Түмэн XXXII (уочараттаах) пленарнай мунньаҕар барыта 26 боппуруос көрүлүннэ.

Бүгүн, ол эбэтэр ахсынньы 14 күнүгэр ыытыллыбыт Ил Түмэн XXXII (уочараттаах) пленарнай мунньаҕар барыта 26 боппуруос көрүлүннэ.

Пленарнай мунньах үлэтигэр Саха Өрөспүүбүлүкэтин прокурора, юстиция ыстаарсай сүбэһитэ Максим Попов, Судаарыстыбаннай Дума дьокутаата Петр Аммосов уонна ыҥырыылаахтар кыттыыны ыллылар. Норуот дьокутааттара биир идэлээхтэрэ Руслан Федотову үбүлүөйүнэн эҕэрдэлээтилэр, киниэхэ сыралаах үлэтигэр ситиһиилэри баҕардылар.

Пленарнай мунньах үлэтин үгэс курдук, каадыр боппуруоһунан саҕалаата. Ол курдук, Саха Өрөспүүбүлүкэтин Счетнай палататын бэрэссэдээтэлин дуоһунаһыгар Алена Федорова кандидатурата киллэрилиннэ.

Счетная_палата_пресд.jpg

– Алена Афанасьевнаны мин Сунтаар улууһун баһылыгын экономика уонна үп боппуруоһугар солбуйааччынан үлэлиир сылларыттан билэбин, – диэтэ бүддьүөт, үп, нолуок уонна сыана бэлиитикэтигэр, бас билии уонна приватизация боппуруостарыгар кэмитиэт бэрэссэдээтэлэ Юрий Николаев. -- Кини кэккэ сылларга Мирнэй оройуонугар нолуок сулууспатын начальнигынан таһаарыылаахтык үлэлээбитэ. Бэйэтин идэтин дэгиттэр баһылаабыт, дириҥ билиилээх исписэлиис, ирдэбиллээх салайааччы быһыытынан көрдөрбүтэ. Онон, өрөспүүбүлүкэ Счетнай палататын бэрэссэдээтэлинэн дьоһуннук үлэлиэ диэн эрэбин.

Кистэлэҥ куоластааһын түмүгүнэн, Алена Федорова өрөспүүбүлүкэ Счетнай палататын бэрэссэдээтэлинэн бигэргэннэ. Өр сылларга Счетнай палата бэрэссэдээтэлинэн таһаарыылаахтык үлэлээбит Егор Марков «Саха Өрөспүүбүлүкэтигэр парламентаризмы сайыннарыыга кылаатын иһин» түөскэ кэтиллэр бэлиэнэн, Счетнай палата бэрэссэдээтэлин солбуйааччы Ирина Басова Ил Түмэн Бэрэссэдээтэлин Махтал суругунан наҕараадаланнылар.

Хаартыскаҕа Василий Кононов (Ил Түмэн) түһэриилэрэ 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением