Бу туһунан СӨ киин быыбардыыр хамыыһыйа пресс-сулууспата телеграмм ханаалга иһитиннэрдэ.
Санаттахха, Нерюнгри эрэгийиэнинээҕи бөлөххө «Арассыыйа либеральнай-демократическай баартыйата – ЛДПР» бэлитиичэскэй баартыйаттан норуот дьокутаата Евгений Перфильев өрөспүүбүлүкэ Экологияҕа, айылҕа баайын туһаныыга уонна ойуур хаһаайыстыбатыгар миниистирин эбээһинэһин толорооччунан анаммытынан, норуот дьокутаатын быһыытынан боломуочуйата болдьоҕун иннинэ тохтотуллубута.
«Арассыыйа либеральнай-демократическай баартыйата – ЛДПР» бэлитиичэскэй баартыйа испииһэгинэн норуот дьокутаатын босхоломмут мандаата Евгений Рябченкоҕа тигистэ. Киин быыбардыыр хамыыһыйа иһитиннэриитинэн, парламент аныгыс уочараттаах пленарнай мунньахха дьокутаат боломуочуйатын бигэргэтиэҕэ.
Ыспыраапка
Евгений Рябченко үрдүк юридическай үөрэхтээх, Усуйаана оройуонун Сэбиэтин дьокутаата, Госдума дьокутаата Валерий Селезнев көмөлөһөөччүтэ, ЛДПР баартыйа координаторын солбуйааччыта, баартыйа координационнай сэбиэтин чилиэнэ. «Люди добра» аһымал хамсааһын тэрийээччитэ. Кэргэннээх, үс оҕолоох.
-
0
-
0
-
0
-
0
-
0
-
0