Туохха барытыгар аһаҕастык, чиэһинэйдик үлэлиир кыайыылаах буоларын бары бэркэ диэн билэбит. Холобур, Челябинскай уобаласка тустаах баартыйа рейтинэ 25-27 % иһинэн-таһынан халбаҥныыра. Эрэгийиэн баһылыга Алексей Текслер «Биир ньыгыл Арассыыйа» баартыйа кэккэтигэр киирбитигэр, тустаах баартыйа рейтинэ 40 % үрдээбит. Бу -- баартыйа уонна ситэриилээх былаас бииргэ таһаарыылаахтык үлэлээтэхтэринэ, эрэгийиэн кыһалҕата түргэнник быһаарылларын туоһулуур. Дмитрий Медведев үчүгэй көрдөрүү ситиһиллибитинэн сибээстээн, Алексей Текслергэ тустаах баартыйа эрэгийиэннээҕи салаатын салайарыгар этии киллэрбит. «Тустаах баартыйа коронавирус дьаҥын кэмигэр баарын биллэрдэ. Пандемия усулуобуйатын кэмигэр баартыйабыт өссө ситтэ-хотто», -- диэн сүрүн баартыйа бэрэссэдээтэлэ Дмитрий Медведев санаатын эппит. Санатар буоллахха, төһө да коронавирус дьаҥа турбутун үрдүнэн бу ааспыт быыбарга «Биир ньыгыл Арассыыйа» баартыйа кэккэтэ эдэр бэлиитиктэринэн хаҥаан биэрдэ. Кинилэр ортолоругар эдэр быраастар, аччыгый уонна орто биисинэс урбаанньыттара бааллар.
-
0
-
0
-
0
-
0
-
0
-
0
