Онно «Тыа сирин кэлим сайыннарыы судаарыстыбаннай бырагыраамата” 2021 сылга олоххо киириитин уонна кэлэр 2022 сылга бырагыраама инники былаанын туһунан кэпсэттилэр. Итини тэҥэ, 2020 сылга күһүҥҥү хомуур үлэтэ хайдах-туох ыытыллан иһэрин дьүүллэстилэр.
“Биир ньыгыл Арассыыйа” баартыйа фракциятын салайааччы Сергей Неверов: “Тыа хаһаайыстыбатын салайааччытын кытта аһаҕас кэпсэтии буолла. Миниистир быйыл төһө оҕуруот аһын ылыахтаахпытын сыыппаранан ытаһалаан билиһиннэрбитинэн көрдөххө, күһүҥҥү хомуур куһаҕана суох эбит. Өссө тас дойдуга атыылыыр кыахтаахпытынан сылыктаатахха, бүддьүөккэ эбии үп-харчы киирэр туруктаах», - диэн мунньаҕы түмүктүүр тылыгар эппит. Мунньахха кыттыбыт дьокутааттар «Тыа сирин биир кэлим сайыннарыы” бырагырааматыгар эбии үп хайаан да көрүллүөхтээҕин ыйбыттар. Тустаах бырагыраамаҕа үп-харчы көрүллэриттэн тыа сирин инфраструктурата сайдарыгар, үлэ саҥа миэстэлэрэ тахсарыгар, тыа сирэ тупсарыгар быһачча тутулуктааҕын ыйбыттар. «Бырагырааманы эбии үбүлээһин хайаан да наада. Тыа сиригэр дьон олохсуйарыгар аналлаах хаачыстыбалаах мэдиссиинэ, үөрэхтээһин толору баар буолуохтаахтар. Үлэ уонна усулуобуйа суохтарынан сигэнэн дьон тыа сириттэн көһүүтэ тахсыа суохтаах», -- диэн Сергей Неверов санаатын үллэстибит. Итини тэҥэ, мунньахха тыа сиригэр үлэнэн хааччыллыы, гаас ситимин тардыы, энерго-уот тарыыбын быһыы боппуруостарын тула кэпсэтии ыытыллыбыт.
-
0
-
0
-
0
-
0
-
0
-
0
