«Коронавирус дьаҥа эмиэ биллэн эрэр. Харантыын уһуур түгэнигэр судаарыстыба үлэһиттэрин ыраахтан олорон үлэлиир усулуобуйаларын тэрийэр хампаанньаларга, тэрилтэлэргэ, төһө кыалларынан, көмөлөһүөхтээх. Ол курдук, наадалаах миэбэли, техническэй сириэстибэлэри уонна интэриниэт сибээһин төлөбүрүгэр хампаанньаларга көмө наадата чуолкай суол. Биһиэхэ ыраахтан олорон үлэлиир култуура өссө даҕаны сайда илигинэн сибээстээн, үлэнэн хааччыйааччыларга исписэлиистэрэ ыраахтан олорон үлэлиир бары усулуобуйаларын тэрийэллэригэр тугунан эмит көмөлөһүөхпүтүн наада. Холобур, ол көмөнөн нолуокка чэпчэтиини да киллэрии буолуон сөп», -- диэн парламентарий санаатын эппит. Бу күннэргэ Арассыыйатааҕы суһал ыстаап иһитиннэрбитинэн, дойду үрдүнэн 8138 киһи дьаҥынан ыалдьыбыт. Маннык үрдүк сыыппара бэс ыйын саҥатыгар биллэ сылдьыбыта.
-
0
-
0
-
0
-
0
-
0
-
0
