Парламентарийга биэс киһи кыһалҕаларын этиннилэр. Сайыбыланньа биэрээччилэр араас хабааннаах олох-дьаһах, олорор дьиэ усулуобуйатын уонна үлэлээх буолуу туһунан тутаах ыйытыктары биэрдилэр. Тус сыаллаах сайабылыанньалар бары үлэҕэ ылылыннылар, ону тэҥэ наадалаах сиһилии консультациялар бэрилиннилэр, ситэриилээх былаас уорганнарыгар, тутаах тэрилтэлэригэр ыйытыктар оҥоһулуннулар.
Санатар буоллахха, ахсынньы 1 күнүгэр Саха сиригэр «Биир ньыгыл Арассыыйа» баартыйа 20 сыллаах үбүлүөйүн бэлиэтээтэ. «Ахсынньы 1 күнүгэр, баартыйа үбүлүөйдээх бырааһынньыктааҕы күнүгэр биһиги үлэлиибит. Биһиги дьокутааттарбыт уонна кинилэр уопсастыбаннай көмөлөһөөччүлэрэ салгыы дьоҥҥо көмөлөһөллөр», - диэтэ фракция салайааччыта Антонина Григорьева.
Үгэскэ кубулуйбут декада бастакы күнүгэр СӨ норуот дьокутааттарыгар Антонина Григорьеваҕа, Михаил Гуляевка, Яков Ефимовка, Дмитрий Семеновка, Владимир Чичигинаровка 50 киһи сайабылыанньа суруйдулар. Нэһилиэнньэни мэдиссиинэ өҥөтүн, эминэн хааччыйыы, газтааһын, социальнай эбийиэктэри тутуу, үлэлээх буолуу, ОДьКХ кыһалҕаларын ыйытыктара ордук долгуталлар.
Парламентарийдар Иван Андреев, Александр Гоголев, Антонина Григорьева, Александр Смирнов, Владимир Чичигинаров «Махтал-быраастарга!» аахсыйаҕа кытыннылар. Норуот дьокутааттара Иван Данилов уонна Марина Силкина «Устуоруйалаах өйдөбүнньүк» баартыйа бырайыагын чэрчитинэн, «Алсиба» 80 сыллаах тэрээһиҥҥэ кыттыыны ыллылар. Ону сэргэ норуот дьокутааттарын «Волонтер-донордар» аахсыйата саҕаланна.
Нэһилиэнньэни кытта көрсүһүүлэр ыраахтан олорон уонна оффлайн санитарнай-эпидемиологическай ирдэбиллэри тутуһан ахсынньы 10 күнүгэр диэри күн ахсын ыытыллыахтара.
-
0
-
0
-
0
-
0
-
0
-
0
