- Бэҕэһээ дьокутааттары кытта бырабыыталыстыба көрүүтүгэр киллэрбит федеральнай сокуоҥҥа уларытыылары киллэрэр туһунан этиилэри дьүүллэстибит. Сокуон барылын бырабыыталыстыбаны кытта тэҥҥэ бастакы уочарат бэрээдэгинэн көрүөхпүт, - диэн спикер эрэннэрэр.
Вячеслав Володин этэринэн, бу быһаарыы гражданнары сыана үрдээһиниттэн көмүскүүргэ көмөлөһүөҕэ.
- Арҕаа дойдулар киллэрбит санкцияларын кэннэ сыана үрдээһинин туһунан элбэх этиилэр, ыйытыктар киирдилэр, - диэн Госдума бэрэссэдээтэлэ чуолкайдаата. – Ыйытыктар, бастатан туран, кэккэ эрэгийиэннэринэн ас-үөл бородууктатын сыаната икки төгүл кэриҥэ үрдээбитин туһунан таарыйаллар. Онуоха дойдуга оҥоһуллар бородууксуйа туһунан эттэххэ, санкциянан куоһурданан сыананы үрдэтэллэрэ табыллыбат, - диир Вячеслав Володин.
- 0
- 0
- 0
- 0
- 0
- 0