Сенатор Екатерина Алтабаева докумуоннары электроннай киэпкэ көһөрүү булгуччу ирдэммэтин, бу оскуола бэйэтин көрүүтүгэр хааларын бэлиэтиир. Онон докумуон кумааҕыга да оҥоһуллан харайыллыан сөп. Саҥа сокуон көҕүлээһинин сенатордар Андрей Турчак, Ирина Рукавишникова, Екатерина Алтабаева уо.д.а. оҥорбуттар.
Бу боппуруос дьүүллэһиллибитэ балачча буолла. Ыйытыкка кыттыбыт учууталлар 67 %-ара иитэр-үөрэтэр үлэһит кумааҕынан көмүллүүтэ улаханын бэлиэтээбиттэр. Учууталтан 50 араас докумуону уонна отчуоту толорор ирдэнэрэ уруокка бэлэмнэнии, тэтэрээттэри бэрэбиэркэлээһин хаачыстыбатыгар охсор, үөрэнээччини кытары тустаан дьарыктанарга бириэмэ да, күүс-сэниэ да ордубат.
Саҥа сокуон учууталлартан Үөрэх министиэристибэтэ олохтообут кэрискэтин таһынан отчуоту ирдиири бобор. Ону сэргэ оскуолаларга докумуону электроннай көрүҥүнэн, кумааҕынан дубликата суох оҥоророру, туһанары, харайары көҥүллүүр. Ити учууталлар иитэр-үөрэтэр үлэҕэ болҕомтолорун ууралларыгар кыаҕы биэриэҕэ диэн «Российская газета» суруйар.
-
32
-
0
-
0
-
0
-
0
-
1
