Билиҥҥи туругунан биһиги дойдубутугар манна тэҥнээх суут быһаарыытынан билиниллибит арыгыны иһэр, наркотигы туттар уонна онно тэҥнээх дьон туһунан реестрэ уонна биир кэлим дааннайдарын мунньар сибидиэнньэлээх база дойду үрдүнэн суох.
Баар балаһыанньанан нотариустар сайабылыанньа биэрээччи арыгыны иһэрин уонна наркотигы туттарын чуолкайдыырга харгыстар үөскүүллэр, ол түмүгэр киһи быраабыгар атааннааһыы тахсар диэн көҕүлээһин ааптардара, «Биир Ньыгыл Арассыыйа» фракциятын дьокутааттара, ол иһигэр Антон Гетта уонна Виктор Водолацкий быһаараллар.
«Дьон быраабын уонна сокуоннай интэриэстэрин ордук көдьүүстээхтик көмүскүүр сыалтан сокуон барылынан суут быһаарыытынан билиниллибит арыгыны иһэр, наркотигы туттар уонна онно тэҥнээх сирэйдэр туһунан реестри тэрийэргэ уонна нотариат биир кэлим информационнай систиэмэтигэр (ЕИС) кииллэрэргэ этии көтөҕүлүннэ», — диэн Госдумаҕа бэриллибит докумуоннарыгар ыйыллар.
Реестр операторынан федеральнай Нотариальнай палаата буолуохтаах.
-
0
-
0
-
0
-
0
-
0
-
0
