Байыаннай комиссариаттарга аармыйа кэккэтигэр сулууспаҕа ыҥырыллааччыларга бэбиэскэлэри электроннай кѳрүҥүнэн ыыталыыр кыаҕы биэрэр байыаннай сулууспалаахтар биир кэлим реестрдэрин туhунан сокуон барыла Госдуманан тута иккис уонна үhүс ааҕыыга ылыныллыан сѳп. Ол туhунан ГД оборуонаҕа кэмитиэтин бэрэссэдээтэлэ Андрей Картаполов этэр.
Бу сокуон барылыгар ыҥырыллааччыларга бэбиэскэлэри тус бэйэлэригэр илии баттатан эбэтэр үлэ биэрээччи нѳҥүѳ туттарыы таhынан электроннай бэбиэскэни тиэрдии кѳрүллэр.
Госуслуга порталыгар туhанааччы тус кабинетыгар бэбиэскэ ыытыллыбыт түгэниттэн туттарыллыбытынан ааҕыллыаҕа, — диэн парламентарий чуолкайдаата. Онуоха ыҥырыллыбыт киhи маннык бэбиэскэни тутан баран, тута кыайан кэлэр кыаҕа суох буоллаҕына, ыҥырыы хампаанньатын устатыгар байыаннай комиссариакка кэлиэхтээх.
Электроннай бэбиэскэлэр тустарынан сокуон барыла РФ Бэрэсидьиэнэ илии баттаабытын кэннэ олоххо киириэҕэ. Ол хаhан буолара – биллибэт.
Хаартыска аhаҕас источниктан ылылынна.
-
0
-
0
-
0
-
0
-
0
-
0
