Ол туһунан Госдуума бэрэссэдээтэлэ Вячеслав Володин бэйэтин Телеграм ханаалыгар федеральнай сокуон барыла үлэлиир кыраасданнар бырааптарын көмүскүүргэ туһуланар уонна судаарыстыба өртүттэн үлэ сокуонун тутуһууну, хонтуруоллааһыны күүһүрдүөҕэ диэн бэлиэтээтэ.
Ол курдук, дьокутааттар көрүүлэригэр маннык уларытыылары киллэриэхтэрэ:
-үлэни биэрээччи үлэ дуогабарынан үлэһит иннигэр эбэһээтилистибэтин хайдах толорорун судаарыстыба өртүттэн кэтээн көрүүнү олохтуохтара;
-инбэлииттэргэ биир сылга 30 халандаарынай күнтэн итэҕэһэ суох төлөнөр уоппусканы биэрии;
- хамнас төлөбүрүгэр иэһи үөскэппэт инниттэн, эрэгийиэннэргэ биэдэмистибэлэр икки ардыларынааҕы хамыыһыйалар тэриллиэхтэрэ;
-тэрилтэҕэ производство тохтуур түбэлтэтигэр, эбэтэр атын тэрилтэҕэ үлэ баар буоллаҕына, үлэһит бэйэтин баҕатынан дьарыктаах буолуу сулууспатын направлениетынан кылгас кэмҥэ атын үлэҕэ барыытын көҥүллүөххэ сөп.
«Бүтэһик этии кыраасданнар ханнык эрэ түгэҥҥэ кириисискэ киирдэхтэринэ, кылгас кэмҥэ атын үлэҕэ көһөн, туруктаах дохуоттаналларын хааччыйарга туһуланар. Ону тэҥэ, үлэни биэрээччи кыһалҕаттан кылгас кэмҥэ атын үлэҕэ көспүт үлэһитин төттөрү үлэтигэр ылар кыахтаныаҕа. Ити түгэҥҥэ бастакы түһэрсиллибит үлэ дуогабара көтүрүллүбэт, арай кылгас кэмҥэ тохтотуллар эрэ. Маннык быһаарыы сезонунан үлэҕэ, дьарыктаах буолуу эйгэтигэр туттуллуон сөп », -диэн Госдуума бэрэссэдээтэлэ бүтэһик этиигэ ордук болҕомтотун уурар.
Хаартыскалар куйаар ситимиттэн
-
0
-
0
-
0
-
0
-
0
-
0