Госдуума бэрэссэдээтэлэ Вячеслав Володин балаҕан ыйын 4 күнүгэр Самарскай уобаласка оробуочай сырыытыгар Самааратааҕы судаарыстыбаннай мэдиссиинискэй үнүбэрситиэккэ устудьуоннары уонна преподавателлэри кытта көрсүстэ. Бу тэрээһиҥҥэ ону тэҥэ ГД бэрэссэдээтэлин бастакы солбуйааччыта Иван Мельников, ГД Доруобуйа харыстабылыгар кэмитиэтин бэрэссэдээтэлэ Бадма Башанкаев, ГД Үлэҕэ, социальнай бэлиитикэҕэ уонна бэтэрээннэргэ кэмитиэтин бэрэссэдээтэлэ Ярослав Нилов, ГД Информационнай бэлиитикэҕэ, технологияларга уонна сибээскэ кэмитиэтин бэрэссэдээтэлэ Александр Хинштейн сылдьыһан, үнүбэрситиэт аныгы мэдиссиинэҕэ бырайыактарын, оҥоһуктарын кытта билистилэр.
Вячеслав Володин көрсүһүү кэмигэр билигин дойду үрдүнэн мэдиссиинэ үлэһиттэрэ тиийбэттэрин бэлиэтээтэ уонна үөрэх кыһаларын бүтэрэр устудьуоннар быраас, сиэстэрэ идэтин баһылаан балыыһаларга тиийэллэригэр ыҥырда. “Эдэр ыччат мэдиссиинискэй идэҕэ туттарсалларыгар анал сыаллаах үөрэххэ дуогабар түһэрсэн киирэллэр. Бу идэлэргэ үгүс миэстэ бүддьүөттэн үбүлэнэр, бырагыраамалар үлэлииллэр. Онон анал сыаллаах үөрэххэ чопчу биир мэдиссиинэ тэрилтэтин кытта дуогабардаһан, төннүөм диэн үөрэммит, идэни ылбыт буоллахтарына, булгуччу ол эрэгийиэннэригэр, балыыһаларыгар үлэлии, ананан тиийиэхтээхтэр. Үөрэх кэмигэр ол тэрилтэни кытта бары хайысханан үлэлэһиэххэ наада. Олорор дьиэ боппуруоһунан эмиэ. Үөрэнэр устудьуону бары үнүбэрситиэттэр, үнүстүүттэр үөрэҕи, үлэни ол анаммыт балыыһатыгар туһаайан ыытыахтаахтар, быраактыканы, стажировканы миэстэтигэр барыахтаахтар. Ханна даҕаны, миэстэтигэр - балыыһаҕа үлэлиир быраас, сиэстэрэ наада, дьону кытта ыкса алтыһара, тутатына эмтиирэ ордук. Ханнык да видеокэмпэриэнсийэлэр онно көмөлөспөттөр,”-диэн испиикэр бу күһүҥҥү сиэссийэ кэмигэр Госдуума тыа сирин оройуоннааҕы киин балыыһаларын анал бэлэмнээх мэдиссиинэ каадырдарынан хааччыйыыга туһуламмыт парламент истиилэрин ыытар, тустаах миниистири отчуоттатар былааннаҕын иһитиннэрдэ.
Хаартыска куйаар ситимиттэн ылылынна.
-
0
-
0
-
0
-
0
-
0
-
0
