Санатар буоллахха, быйыл муус устар 1 күнүгэр РФ Нолуокка Кодексатыгар 2021 сыл тохсунньу 1 күнүттэн бааннарга 1 мөл. солк. элбэх уурунуулаах дьонтон нолуок быһыытынан 13 %-ны тутарга диэн уларыйыы киирбитэ.
«Бааннарга 1 мөл. солк элбэх уурунуулаахтартан нолуогу тутуу киирэр түбэлтэтигэр, бу кириисис кэмигэр Арассыыйа элбэх олохтооҕор экэнэмиичэскэй өттүнэн улахан ороскуоту аҕалара чуолкай. Нэһилиэнньэ үгүс өттө ол эбэтэр үлэлии сылдьар аҕам саастаах дьон биэнсийэлэрин бааннарга уураллар. Оттон хамнастарын олохторугар-дьаһахтарыгар туһаналлар. Онон РФ Нолуогун Кодексатыгар 2021 сыл тохсунньу 1 күнүттэн киириэхтээх уларыйыыга 5 мөл. солк. үөһэ уурунуулаахтартан 13 %-ны тутарга диэн этии киллэрдибит. Оччоҕуна орто хамнастаах уонна биэнсийэлээх дьон итиннэ улаханнык хапсыа суох этилэр. Элбэх хамнастаах дьонтон итинник нолуогу ылар бары өттүнэн сөптөөх буолуо этэ», -- диэн РДЛП дьокутааттара санааларын эппиттэр.
-
0
-
0
-
0
-
0
-
0
-
0
