Госдуума пресс-сулууспата иһитиннэрбитинэн, үп сүрүн сокуонун барылын иккис ааҕыытыгар барыта тыһыынчаттан тахса көннөрүү киирбит. Мантан 800-тэн тахса көннөрүү үлэҕэ ылыныллыбыт. Мунньах түмүгүнэн, Арассыыйа бүддьүөтүн сүрүн көрдөрүүлэрэ уларыйбатылар. Бүддьүөт ороскуоттаах чааһыгар сүрүн болҕомто социальнай эйгэҕэ, дойду оборуонатыгар, технологияны сайыннарыыга ууруллубут
Иккис ааҕыыга Госдуума бырабыыталыстыбаны кытары сөҥнөһөн, бүддьүөт сүрүн көрдөрүүлэрин хаалларан туран, эрдэ ууруллубут ороскуоттан үс сылга (2025—2027 сылларга) аҕыс триллион солкуобайтан тахса үбү тыырбыт. Бу үбүлээһин эрэгийиэннэргэ национальнай бырайыактары олоххо киллэриигэ, ону сэргэ нэһилиэнньэҕэ судаарыстыбаттан көрүллэр көмөҕө ыытыллыаҕа.
Бүддьүөт сүрүн сокуонун бүтэһиктээх ааҕыытын дьокутааттар сэтинньи 21 күнүнээҕи мунньахтарыгар көрүөхтэрэ.
Хаартыска Госдуума саайтыттан
-
0
-
0
-
0
-
0
-
0
-
0
