Госдумаҕа үһүс уонна бүтэһик ааҕыынан Үлэ кодексыгар көннөрүүнү ылыннылар. Бу көннөрүү элбэх оҕолоох төрөппүттэр сылын аайы бэриллэр уочараттаах уоппускаларын кинилэргэ табыгастаах кэмҥэ ылалларын мэктиэлиир. «18-тарыгар диэри саастаах үс уонна онтон элбэх оҕолоох ыалларга уоппускаларын кэмин талалларыгар атыттардааҕар кыах бэриллэр. Кинилэр кыра оҕолоро 14 сааһыттан улахан буолуо суохтаах. Оччоҕо төрөппүттэр оҕолорун кытта уоппускаларын кэмин бииргэ атаарар кыахтаныахтара», -- диэн РФ судаарыстыбаннай думатын бэрэссэдээтэлэ Вячеслав Володин эппит.
- 0
- 0
- 0
- 0
- 0
- 0