“Бу сокуон барыла “Биир ньыгыл Арассыыйа” фракциятын Координационнай сүбэтигэр да, фракция эспиэрдэрин сэбиэтигэр да көрүллүбэтэҕэ. Онон сокуон ылылларын утарабыт”, – диэн Андрей Исаев иһитиннэрдэ.
Ол эрээри парламентарий кыра бүддьүөттээх нэһилиэктэр билиҥҥи сокуону олоххо киллэрэллэригэр элбэх уустуктары көрсөллөрүн ыйда.
“Ол иһин сокуону сымнатар көннөрүүлэри бэлэмнээтибит. Ол гынан баран, ытан өлөрүүгэ төннүөхпүт суоҕа”, – диэн дьокутаат бэлиэтээтэ.
Госдума экологияҕа уонна тулалыыр эйгэни харыстааһыҥҥа сис кэмитиэтин бэрэссэдээтэлэ Владимир Бурматов билиҥҥи сокуон көдьүүстээхтик үлэлиирин эттэ. Кини былырыын дойду үрдүнэн дьэллик ыттар киһиэхэ саба түһүүлэрэ 10 % аҕыйаабытын бэлиэтээтэ. Онон бүгүҥҥү федеральнай сокуон дьону ыт ытырыытыттан, оттон ыттары – сидьиҥ сыһыантан көмүскүүрүн тоһоҕолоото. Инньэ гынан “Биир ньыгыл Арассыыйа” баартыйа дьокутааттара сидьиҥ сыһыаны утаралларын биллэрдилэр.
- 0
- 0
- 0
- 0
- 0
- 0