Издательский дом Редакция Подписка
Погода в Якутске: . -14 oC

Кулун тутар 21-31 күннэригэр Дьокуускай куоракка Дьааҥы күннэрэ үрдүк таһымнаахтык ыытылла тураллар. Ол чэрчитинэн Ил Түмэҥҥэ бөдөҥ уопсастыбаннай-бэлитиичэскэй диэйэтэл, Саха АССР Декларациятын уонна Конституциятын хамыыһыйатын сэкирэтээрэ, Дьокуускай уобалаһын салалтатын бэрэссэдээтэлэ, Үөһээ Дьааҥы улууһун Дулҕалаах нэһилиэгиттэн төрүттээх Георгий Семенович Ефимов төрөөбүтэ 130 сылын көрсө тэрээһин ыытылынна.

Кулун тутар 21-31 күннэригэр Дьокуускай куоракка Дьааҥы күннэрэ үрдүк таһымнаахтык ыытылла тураллар. Ол чэрчитинэн Ил Түмэҥҥэ бөдөҥ уопсастыбаннай-бэлитиичэскэй диэйэтэл, Саха АССР Декларациятын уонна Конституциятын хамыыһыйатын сэкирэтээрэ, Дьокуускай уобалаһын салалтатын бэрэссэдээтэлэ, Үөһээ Дьааҥы улууһун Дулҕалаах нэһилиэгиттэн төрүттээх Георгий Семенович Ефимов төрөөбүтэ 130 сылын көрсө тэрээһин ыытылынна.

Мунньахха Ил Түмэн дьокуттааттара уонна Дьааҥы улууһун дэлэгээссийэтэ кытынна. Ил Түмэн билимҥэ, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар сис кэмитиэт бэрэссэдээтэлэ Феодосия Габышева иилээн-саҕалаан ыытта. Вице-спикера Виктор Губарев, дьокутааттар сис кэмитиэттэрин бэрэссэдээтэллэрэ, дэпэртээмэннэр салайааччылара, баһылык Гаврил Чириков, улуус дьокутааттарын сэбиэтин бэрэссэдээтэлэ Екатерина Ноговицына салайааччылаах Үөһээ Дьааҥы улууһун салалтата, нэһилиэк баһылыктара, оройуоннааҕы дьокутааттар сэбиэттэрэ, уопсастыбаннас кытынна. Маны таһынан учуонайдар, кыраайы үөрэтээччилэр, устуоруктар муһуннулар. Онон, тэрээһин бэрт киэҥ эйгэни хабан, далааһыннаахтык ааста.

6c75ff33 956d 42ce a3a3 5c095a3d7b00

Былатыан Ойуунускай, Максим Аммосов биир өйдөөх-санаалаах соратниктара, Дьааҥыттан силис тардыылаах бөдөҥ салайааччы, уопсастыбаннай диэйэтэл Г.С. Ефимов олоҕун бэлиэ кэрчиктэрин ахтан-санаан аастылар. Саха автономията төрүттэниитигэр, атаҕар туруутугар дьоһун кылааты киллэрсибит биир дойдулаахпыт аата үгүс үтүө тылынан ахтылынна.

Манна ахтан аастахха, былырыын, 2021 сыллаахха, Дьааҥы уопсастыбаннаһын көрдөһүүтүнэн улуус салалтата Ил Дархан Айсен Сергеевич Николаевка этиилээх тахсыбыта. Ил Дархан дьааҥылар этиилэрин өйөөн, Г.С. Ефимов төрөөбүтэ 130 сылын үрдүк таһымнаахтык бэлиэтииргэ Бырабыыталыстыба хамыыһыйата тэриллибитэ. Өрөспүүбүлүкэҕэ, улууска былааннаммыт кэккэ тэрээһиннэр ыытыллыахтара. Ил Түмэҥҥэ норуот дьокутааттара кыттыылаах дьүүлэһии-мунньах ыытыллыбыта эмиэ уһулуччу суолталаах.

fd300e9c 5829 4511 a8f0 a0e4f8528b5d

Мунньах биир сүрүн сыалынан-соругунан Дьааҥы улууһун социальнай-экэнэмиичэскэй сайдыытын сүрүн түһүмэхтэрин дьүүллэһии буолла. Ол туһунан Дьааҥы улууһун баһылыга Гаврил Ильич Чириков санаатын бу курдук үллэһиннэ:

-- Ил Түмэн дьокутааттара уонна Дьааҥы улууһун дэлэгээссийэтэ, Дьокуускай куоракка олохтоох уопсастыбаннаһа кыттыылаах киэҥ далааһыннаах сүбэ мунньах буолан ааста. Кэпсэтиибит сүрүн тиэмэтэ биир дойдулаахпыт, уһулуччулаах уопсастыбаннай диэйэтэл Г.С. Ефимов төрөөбүтэ 130 сылыгар ананна. Ил Дархан сорудаҕынан Г.С. Ефимов бэлиэ күнүн бэлиэтииргэ Бырабыыталыстыба иһинэн хамыыһыйа тэриллибитэ, Саха Автономиятын 100 сылыгар аналлаах тэрээһиннэр уопсай бырагыраамаларыгар киллэриллибитэ. Ол чэрчитинэн өссө да улахан тэрээһиннэр ыытыллаллара бэлиэтэнэр.

433e6fba c1b2 4d05 9357 f5808b892311

Мунньах иккис чааһыгар Дьааҥы улууһун сайдыытын инники кэскилин, сытыы боппуруостарын дьүүллэстибит. Икки аҥаар чаас устата тохтоло суох ыытыллыбыт мунньах киэҥ далааһыннаахтык барда, элбэх санаа этилиннэ. Ил Түмэн дьокутааттара биһигини өйүүллэрин биллэрэннэр, көхтөөхтүк санааларын этинэннэр, эрэлбит улаатта. Төһө да кэм тыҥаан, балаһыанньа уустугуран турдар ылыллыбыт соруктар, былааннар олоххо киириэхтэрэ. "Арктика эргимтэтигэр олорор хотугу улуустар сайдыыларын торумнуур дьаһалларга Дьааҥы улууһун сайдыыта ыйылла сылдьар", -- диэн Ил Түмэн вице-спикера В.Н. Губарев, дьокутаат Ф.В. Габышева бэлиэтээн эттилэр.

Үп кэмитиэтин бэлиитикэтин бэрэссэдээтэлэ Ю.М. Николаев: "Бу салааҕа өйөһөн, күүскэ үлэлэһиэхпит",-- диэн бигэргэттэ. Экологияҕа сис  кэмитиэт бэрэссэдээтэлэ С.И. Афанасьев бырамыысыланнас күүскэ сайдан турар кэмигэр уһук хоту сир айылҕатын харыстыырга, хонтуруолга ыларга саҥа сокуоннар киирэн эрэллэрин туһунан иһитиннэрдэ. Онтон да атын сытыы боппуруостарга сиһилии хоруйу ыламмыт астынан, инникигэ эрэлбит улаатан, саалаттан тарҕастыбыт.

16983de4 0385 4678 95aa 51908fde0688

Түгэни туһанан, Ил Түмэн билимҥэ, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар сис кэмитиэт бэрэссэдээтэлэ Феодосия Васильевна Габышева Дьааҥы инники сайдыытын суолталаан, чулуу дьонун үйэтитэр сыаллаах үрдүк таһымнаах, дьүүллэһиилээх мунньаҕы тэрийэн ыыппытыгар улуус салалтатын уонна бары олохтоохторун аатыттан барҕа махталбын тиэрдэбин.

Дьааҥы улууһун социальнай-экэнэмиичэскэй сайдыытын олуктара, олоҕо-дьаһаҕа, сытыы кыһалҕалара Ил Түмэн үлэтиттэн-хамнаһыттан, дьүүллэһиититтэн туора турбаттар. Дьааҥы сайдарын туһугар туруулаһар, ис сүрэҕиттэн кыһаллар Феодосия Васильевна Габышева курдук салайааччы баарыттан киэн туттабыт, улаханнык суолталыыбыт. Инникитин даҕаны биир санаанан салайтаран, үлэлэһиэхпит, сайдыы суолун салайсыахпыт диэн биһиги, дьааҥылар, эрэлбит улахан.

Диана КЛЕПАНДИНА.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23