22 улууска 240 тахса судаарыстыбаннай, муниципальнай, уопсастыбаннай тэрилтэлэр уонна кулууптар аҕам саастаах дьону кытта үлэлэһэллэр. Кинилэр кырдьаҕастарга анаан физическэй култуура уонна успуорт, уус-уран уонна илиинэн оҥоһук, култуурунай-сынньалаҥ тэрээһиннэрин ыыталлар.
Маны таһынан, 400 тахса саастаах дьон идэ ылар үөрэхтэргэ үөрэммиттэр.
СӨ үлэҕэ уонна социальнай сайдыыга министиэристибэтэ аҕа көлүөнэ көхтөөх уонна чөл олоҕун уһатарга туһаайыллар тэрээһиннэри өйөөн, эбии үбүлээһин мэхэньииһимин оҥордо. Бу бэрээдэк кырдьаҕас дьоҥҥо күнүскү дьарыгы, социальнай туризмы, чэбдигирдэр лааҕырдары тэрийиигэ үп-харчы көрүллэрин хааччыйыа.
Дойду бэрэсидьиэнэ Владимир Путин көҕүлээһининэн «Аҕа көлүөнэ» уонна «Демография» национальнай бырайыактар чэрчилэринэн элбэх үлэ ыытыллар.
Хаартыскалар: www.sakha.gov.ru
-
2
-
0
-
0
-
0
-
0
-
0
