Дойду Бэрэсидьиэнэ Владимир Путин ону болҕомтоҕо ылбытын Кремль официальнай бэрэстэбиитэлэ чуолкайдаата.
Муус устар 24 күнүгэр анал байыаннай эпэрээссийэ боппуруостарыгар оробуочай бѳлѳх баhылыга, Федерация Сэбиэтин бастакы вице-спикерэ Андрей Турчак РФ Бэрэсидьиэнин кытта кѳрсүhүү кэмигэр от ыйын 1 күнүн бойобуой дьайыылар бэтэрээннэрин федеральнай Күнүн быhыытынан олохтуурга эттэ. Билигин бу даата элбэх эрэгийиэҥҥэ олохтоммутун бэлиэтээтэ. Кини санаатынан, бойобуой дьайыылар бэтэрээннэрин Күнүн федеральнай статуhа байыастарга эбии моральнай ѳйѳбүл буолуоҕа.
Ону кытта Федерация Сэбиэтин вице-спикерэ анал байыаннай эпэрээссийэ бары кыттааччыларыгар тѳлѳбүрдэри тэҥнииргэ диэн этиини киллэрдэ. Бэрэсидьиэн ону кытта сѳбүлэстэ. «Арассыыйа иhин илиилэригэр саа-саадах тутан охсуhааччыларга барыларыгар тэҥ усулуобуйалары хааччыйыахха наада», — диэтэ.
Хаартыска аhаҕас источниктан ылылынна.
-
1
-
0
-
0
-
0
-
0
-
0
