«Урут Арассыыйаҕа норуот ускуустубатын уонна төрүт култуурунай нэһилиэстибэтин ыытар туһунан тыл этиллибитэ. Мин саныахпар, бу этиини аҕалбыт киһи билигин саалаҕа олорор. 2022 сылы Арассыыйа норуоттарын култуурунай нэһилиэстибэтин сылынан биллэрэбин»,-диэбитэ Владимир Путин 2019 сыллаахха Нальчикка ыытыллыбыт (Кабардино- Балкария) норуоттар икки ардыларынааҕы сыһыаннаһыыларга Сэбиэтин мунньаҕар.
"Хас биирдии эрэгийиэн уратытын учуоттаан, 2022 сыллааҕы бырагырааманы үчүгэйдик уонна дириҥник оҥоруохха наада" , - диэтэ судаарыстыба баһылыга.
Владимир Путин эрэгийиэн салайааччыларыгар тус хонтуруолга уонна национальнай- култуурунай түмсүүлэргэ тирэҕирэн судаарыстыбаннай бэлиитикэ боппуруостарын туталларыгар көрдөспүтэ.
«Патриотическай, сыаннастар дойду эрэгийиэннэрин туруктаахтык сайыннарыыга быстыспат базовай усулуобуйалара, быраап хонуута, үөрэх уонна култуура эйгэлэрэ буолан Арассыыйа бары уопсастыбатын түмэллэр. Маны сэргэ эрэгийиэннэр икки ардыларынааҕы сыһыан эйгэтэ мэлдьи болҕомтону, утумнаах уонна боччумнаах үлэни эрэйэр. Ол киһи доруобуйатын курдук - мэлдьи дьарыктаныахха наада», - диэн эбэн эппитэ Бэрэсидьиэн.
Кини көҕүлээһининэн, туһааннаах Ыйаахха илии баттамыта. Хас биирдии эрэгийиэҥҥэ искусствота, үгэстэрэ ураты уонна араас, ону хас юиирдии киһи харыстабыллаахтык уонна болҕомтолоохтук сыһыаннаһарын эрэйэр. Хас биирдии эрэгийиэн бэйэтин ураты үгэстэрин илдьэ хаалара суолталаах.
"Путин норуот ускуустубатын уонна норуоттар материальнай култуурунай нэһилиэстибэлэрин сылынан биллэрбитэ. Дьиҥинэн, "Култуура" национальнай бырайыак чэрчитинэн бу үлэлэр Арассыыйаҕа ситиһиилээхтик олоххо киирэллэр. Ол эрэн национальнай уонна эрэгийиэннэр уратыларын учуоттаан араас ыытыллар дьаһаллары тэрийэргэ улахан кыаҕы биэрэр», — диэн бэлиэтээтэ Арассыыйа үтүөлээх артыыһа, Опера уонна балет тыйаатырын уус-уран салайааччыта Аскар Абдазаков.
Материальнайа суох нэһилиэстибэ - бу остуоруйалар, сиэр-майгы, уус- уран айымньылар, норуот ырыалара уонна үҥкүүлэрэ. Холобур, сахаларга оһуохай - тыһыынчанан сыл анараа өттүгэр үөскээбит ытык үҥкүү.
Чугас эргин ыйдарга тэрийэр кэмитиэт дойду үрдүнэн култуура нэһилиэстибэтин сылын чэрчитинэн ыытыллар дьаһаллар былааннарын быһаарыаҕа.
-
0
-
0
-
0
-
0
-
0
-
0
