«Бу хампаанньалар бүддьүөккэ нолуок дохуотугар НДФЛ төлөөн, кылааттарын киллэрэллэрэ. Ону таһынан үлэ миэстэтин таһаараллара. Ол эрээри кинилэр киллэрэр дохуоттара сырьевиктартан лаппа кыра. Санкциялар киириилэрэ элбэх хампаанньалар Арассыыйаттан баралларын күһэйдэ. Ол эрээри соннук түргэнник төннүөхтэрин сөп. Онон уолуйар, куттанар табыллыбат», - диэтэ Майя Данилова.
Экэниэмикэ миниистирэ этэринэн, эрэгийиэн валовай бородууксуйатын аҥаарын сиртэн хостонор баай биэрэр. Оттон тутуу, атыы, тырааныспар 6%-нын ылар. Судаарыстыбаннай салалта, доруобуйа харыстабыла уонна социальнай өҥөлөр ортотунан 5-тии %, оттон креативнай экэниэмикэҕэ култуура тэрилтэлэрин, көрдөрөр-иһитиннэрэр салаалары хабан туран эттэххэ, бу эйгэ 10 %-ны ылар. IT хайысхата биэрэр барыһа -- эрэгийиэн оҥорон таһаарыытын 1% -ыттан кыра. Онон улаханнык айманарга төрүөт суох.
-
0
-
0
-
0
-
0
-
0
-
0
