СӨ тырааныспарга министиэристибэтэ иһитиннэрэринэн, Аллараа Бэстээххэ дьон-сэргэ киэҥник туһанар табаарын тиэммит 243 вагон кэлэн турар. Ааспыт сууккаҕа 98 вагону сүөкээбиттэр. Бүгүн былаан быһыытынан 96 вагон сүөкэниэ.
Сыл саҕаланыаҕыттан кулун тутар 17 күнүгэр диэри Аллараа Бэстээх ыстаансыйатыгар 298 туонна таһаҕас тиэрдиллибит. Ол иһигэр 124 тыһ. туонна -- ньиэп бородууктата, 9,3 тыһ. туонна – контейнердаах куруус, 52,5 тыһ. туонна -- араас табаар, 20,7 тыһ. туонна -- бородуукта, 13,1 тыһ. туонна -- тутуу матырыйаала, 8,3 тыһ. туонна -- метизтар.
Билигин араас таһаҕаһы тиэммит 2033 вагон кэлэн иһэр, ол иһигэр бородуукталаах – 836, ньиэптээх– 684, саҥа оптуобустардаах -- 32, тутуу матырыйааллаах, комбикормнаах, о.д.а. – 481.
Вагоннары көрсөргө, ыраастыырга уонна маневреннай үлэлэри ыытарга Аллараа Бэстээх ыстаансыйатыгар 3 тепловоз үлэлиир. Маны тэҥэ кинилэр Күөрдэм ыстаансыйатын хааччыйаллар.
Санатан эттэххэ, Аллараа Бэстээх ыстаансыйатыгар үлэ төгүрүк суукка барар. Онон таһаҕастарын хаһан баҕарар кэлэн ылар кыахтаахтар.
Маны хонтуруоллуурга СӨ Тырааныспарга уонна суол-иис хаһаайыстыбатын министиэристибэтигэр анал суһал бөлөх тэриллэн үлэлииир.
Балаһыанньаны кэтээн көрүү күн ахсын ыытыллар.
-
0
-
0
-
0
-
0
-
0
-
0
